[A:628]'phral nad las grol bas/ khong rnams dad gus che ba las kyang lhag par che bar gyur te/ sngon gyi mkhas pas/ chos dam tshig gtsang na dngos grub myur/ /zhes 'brel tshad don ldan de nyid kyi byin rlabs kun la 'jug kyang / dad pa med pa'i mi rnams la/ /dkar po'i chos rnams mi skye ste/ /sa bon me yis tshig pa la/ /myu gu sngon po ji bzhin no/ /de dang dus mtshungs no min han thon dar rgyas kyis mchod gnas zha lu pa'ang 'byor/ /rta zla'i tshes bzhi nas/ bka' 'gyur rin po che gsung sgrogs/ tshe chog /mgon khang bzhir bskang phrin/ sgrol mar sgrol 'don/ dbu rtser 'jam 'don rnams rje btsun sa skya pa'i gdung rabs rin po che rnams zhabs pad srid mthar brtan cing bzhed don 'bad med 'grub pa'i ched so sor 'dod gsol bcas gnang ba'i sbyar byang du/ kho bo lo bcu bdun tsam nas bzung / bka' 'gyur rin po che yang yang gsung sgrogs zhu yin yod/ gsung pa bzhin/ rje nyid kyi spyil khang nas lo ltar bka' drin che ba'i rgyun bzang mi nub par mchis so/ /dbo zla nas rje rdo rje 'chang nyid kyi rlabs chen thugs bskyed nar ma'i gras/ chos khri rin po che mkhas pa zil gnon nyams gso gsar bskrun lta bu kun gyi mig gi bdud rtsir gsal ba 'di nyid/ rgya cher mdzad rgyu'i bka' gsang gis mtshon/ gang ci'i bab yul 'di dang 'di lta bu gyis shig pa'i gsung bris bzhin/ mdzod 'dzin 'go bzo 'ul mi bcas nas dang blangs kyis rim bzhin mdzad skabs dgung gsar 'bul mi'ang 'byor gdong nas/ 'jam dpal rdo rje no min han dpon 'bangs stobs chen rta zla'i nang zhabs pad du 'byor zhing / paN chen thams cad mkhyen