[A:640]gnang dang / skol snod kyi khro chen la dkar g.ya' byugs pa sogs thugs bskyed bla na med pa dang gnam gzhag zhal bkod kyi rim pa'ang rgya cher mdzad do/ /rta zla'i bcu gcig nas khri phebs dngos gzhi nyin gsum ma mdzad pa'i tshe/ thog mar nam langs la chos khri steng gi lha khang 'chi med yang rtser rje rdo rje 'chang nas rang bzhin 'byung ba'i gtsug tor rnam rgyal gyi sta gon sgrub par phebs/ sngar srol la nyin gnyis yab phebs srol ma mchis rung / de lo nyin gnyis sgrig gras ma mdzad pa ma gtogs rje nyid phebs shing / de yang bzhugs khri'i dbus su bka' chos kyi dga' ston stsol pa po ngag dbang kun dga' dpal ldan chos skyong bkra shis grags pa rgyal mtshan dpal bzang po 'di nyid dang / g.yon du ngag dbang kun dga' phan bde rgya mtsho theg mchog bstan pa'i rgyal mtshan dpal bzang po 'di nyid dang / rig dang dkyil 'khor rgya mtsho'i khyab bdag drug pa rdo rje 'chang chen po de nyid ni/ nyin dang po gnyis rab gsal shar lho'i 'gugs nang du khri chen la nub gzigs su bzhugs/ de nas byang la zhal ngo / /mkhan phyag gnyer/ gzhung zhabs rin po che'i sku tshab sogs gsol ja dang 'bul chen 'gro yul ma gtogs sku drag ji snyed pas phyur zhing / bzhugs khri'i g.yas rdo skas 'gor sku yon pa/ de skabs 'dren chas thob pa rnams la rang rang gi 'dren chas 'bul mi dang / de min sku drag rnams la 'dren pas zhal dkar rag stegs bcas thob mi thob kyi rnam gzhag dang ldan par mdzad/ mthil rdo gcal la sngar phan byang gral 'go mdzad nas zhal shar nub la gzigs srol yang / de lo nas bzung byang gzigs kho nar mdzad dgos la bsgrigs can rnams ni bka' chos chos spyod sogs dang bstun/ de phyin rang rang blo dang bstun chog pa'i bka'