[A:641]'doms dang / nyin gnyis rje nyid kyang sgrig gras min pas/ nam langs la nang so sogs brgyud gong gi rnam rgyal sgrub mchod ji 'gro dang / bka' chos ran pa dang bstun gsang sgo nas phebs/ bka' chos dang 'bul bzhes rnams grub nas rje nyid kyis sgrub mchod 'phro dang / 'jam mgon sku mched gzhi thog tu phebs/ bka' dbang ran pa dang phebs brda bcas 'chi med yang rtser byon/ nyin gsum par sgrig gras mdzad pa de bas nang bzhin bzhugs khri'i g.yas su phebs shing / bka' chos stsol ba pos/ thams cad mkhyen pa'i gsung rab dri ma med pa la phyag 'tshal lo/ /gsung pa dang / mdo klag pa sogs/ maNDal gyi tshe sngags 'chang bla ma thams cad mkhyen pa rgyal sras sems dpa'i dbang phyug dam pa'i drung du/ theg pa chen po'i dam pa'i chos zab mo zhu ba'i yon du sogs dang / gdung brgyud las sngar dbang gsan phyin/ dus gsum sangs rgyas thams cad 'dus pa'i ngo bo sogs/ lugs 'di ni zhu 'bul phyag btso brgyad kyi tshe'ang dbang ma thob pa'i tshogs dpon la/ ma tshang ba med pa 'di nyid bshes gnyen dam pa khyed la tshogs kyi rdo rje slob dpon zhu ba'i yon du/ zhes sogs dang / dbang thob nas dus gsum sangs rgyas sogs gsungs dgos pa'i rgyu mtshan bzhin mdzad bka' chos gnang nas chos spyod gtong ring 'bul ba rnams gral gyi sku rgyab dang / g.yon sku mdun rnams bskor/ rdo skas shar ma brgyud bzhugs khri'i g.yon nas sku mdun du sleb pa dang / mdzod 'dzin bzhugs khri'i lho nub tu bzhengs te 'bul tho gsher nas gsang sgo la drangs/ de nas 'phro rnams la gzhol bar mdzad/ nyin gsum pa bkra shis mnga' gsol gyi tshe/ gzhi thog tu mkhan phyag gnyer brgya las ban tshang / bde gling dbu chos/ tshogs chen dbu chos/ gling dpon