[A:644]du ma'i bar du byung zhing / legs 'bul dga' ston zhag lnga ma gtang rag sogs la thugs gzhol bar gyur to/ /zhes sngar srol bzang po mi nyams shing / da srol bzang po rje rgyas su mdzad pa'i rnam gzhag rgyas pa ni/ de skabs mdzad pa'i rje nyid kyi zin bris so sor bkram pa rnams bzhin te 'dir ni mtshon pa tsam mo/ /chos khri rin po che 'di nyid du sngon byon gong ma rnams rim phebs dang / sa lo dgung snying shing sbrul bcu gnyis su phebs pa mi 'brug lor khrir 'khod/ sngags 'chang chen po dgung snying me glang dgur byon pa shing byar khrir phebs/ bsod nams dbang po dgung snying sa lug bcu gnyis su byon pa lcags rtar khrir phebs/ sgar chen sa byi bcu gsum du byon pa lcags byi lor khrir phebs/ bsod nams dbang phyug sa stag bcu bzhir byon pa lcags yos lor khri phebs/ mangga'i mtshan can me spre'u bcu gsum du byon pa sa sprer khrir phebs/ bsod nams rin chen shing bya bcu gnyis pa me spre'u lor khrir phebs/ khyab bdag rdo rje 'chang chen po de nyid sa bya bcu gnyis su byon pa lcags sprel khrir phebs/ 'jam mgon dbang sdud snying po 'di nyid chu lug bco lngar byon pa me bya lor khrir phebs pa bcas/ sa lo dang sngags 'chang sku rkyang / bsod nams dbang po sku mched gnyis/ sgar chen sku mched gsum/ bsod nams dbang phyug /mangga'i mtshan can/ yab rje bsod nams rin chen rnams sku rkyang / rigs brgya'i khyab bdag rdo rje 'chang chen po sku mched/ 'jam mgon mi srid bzung ba ngag dbang kun dga' dpal ldan chos skyong bkra shis grags pa rgyal mtshan dpal bzang po sku mched bcas las/ yab kyis mnga' gsol mdzad pa bsod nams dbang po nas mangga'i mtshan can bar dang / yab rje bsod nams rin chen la dge 'dun tshogs chen nas shis brjod/ de nas so sor yab kyis mdzad pa bcas/ sngar srol