[A:645]la gsung bsngo'i mjug gi bkra shis mang du gsungs mthar mdzad pa 'dra mo rnam thar phal cher na mchis/ rje rdo rje 'chang sku mched la ni/ sna bdun/ rdzas brgyad gnang zhing / so so'i gzhung gsungs mthar shis brjod mang po gdangs dang bcas me tog 'thor bar mdzad cing / gang ltar rje nyid kyi chos khri mkhas pa zil gnon 'di nyid la zhabs tog tshar phyin ngo mtshar can dang / de'i shar phyogs kyi dar chen bkod legs/ khro khang khro chen las dkar g.ya'/ 'chams sku dregs pa zil gnon lcam dral/ las mkhan zhal 'bag gsar bskrun de dag thams cad kyi snga phyi bar gsum gyi debs dang / thog zhi gsar bsgrigs sogs bla ma gong ma rnams kyi dgongs zab rdzogs phyir dang / slad kyis spyan ltos bzang po 'byung bar 'gyur ba sogs thugs bskyed bla na med pas dus 'da' bar mdzad cing / de nas rigs sras dam pa zhal rnam pa gnyis rgyal tshab mchog tu mnga' gsol gegs med du 'grub nas/ rta zla'i nyi shu skor la rgyal gsung bka' 'gyur rin po che gsung sgrogs sogs sku rim rgya cher mdzad mu'i nyer gnyis la rgyal tshab de mo gong ma rin po che dang / nyer dgur rgyal yum bskal bzang bde skyid bu 'khrid zhi bar gshegs pas/ yab sras zhal rgyas nas yum mchog de nyid kyi dgongs rdzogs spyi dang bye brag bka' drin che ba dang / gzhan la'ang bka' 'doms bcas yang dag par mdzad de/ sku gsung thugs kyi nang rten rnams bla brang shar du bzhugs su gsol ba dang / rtse gdong phyogs su'ang dge rgyun rgya cher 'dzugs par mdzad/ dbo zla'i bcu gnyis nas bzung ste'ang yab sras zhal rgyal nas/ de mo gong ma mchog gi dgongs rdzogs su kye rdo rje man ngag lugs kyi dkyil 'khor du dgung zhag bzung skabs rten gyi gtso bor sa skya pa chen po kun dga' snying po'i zhal thang mkhan po zhang gsum thog