[A:648]brgya'i phrin las snang ba 'byams/ /'jig rten khams kun khyab pa'i ngo mtshar las/ /bde skyid mngon par 'bar ba'i phrin skyes ni/ /phyogs kyi bu mo dga' ba'i gar stabs can/ /cing yang la nye grol bzhin spro bas 'gul/ /rgyal bstan spel ba'i snang byed grub dbang rjes/ /yongs rdzogs bstan pa gtad pa'i snyan grags gtam/ /dkar phyogs la srung thos 'dzin 'phos ma thag /legs skyes me tog dog pa char bzhin nyil/ /lhan skyes nag po'i mthu skyengs zol sbyor la/ /snang ngo 'khrid phyir gshegs pa'i dgongs rdzogs dang / /kun bzang smon lam ngang du dregs byed cig /rtsed 'jo'i cho 'phrul tshar du dngar ba g.yo/ /rgya yul dar mdo'i snod bcud 'jug ngogs su/ /'byung bzhi'i gnod pa bsrung ba'i byin gur phug /dam pa phan tshun dag pa'i snang ngo ru/ /mthun snang grub pa'i gzigs snang e ma mtshar/ /zhes kyang smras so// // ! dgung grangs lnga bcur byon pa sa khyi nag zla'i bcu gcig nas 'jam mgon sku mched/ rje btsun drung sogs la stobs kyi mgon po dpal ldan birU pa'i zhal gdams gsung ngag rin po che lam 'bras bu dang bcas pa'i gdams pa zab mo tshogs bshad mkhan chen ngag dbang chos grags kyi yig steng nas/ sngon 'gro snang ba gsum gyi 'khrid/ /rgyab rten lung gi skor la/ birWa pa'i rnam 'gyur drug gi sgo nas bstod pa/ bla ma rgya bod kyi lo rgyus nas bzung yab rje bsod nams rin chen bar gyi bla brgyud rnam thar rnams dang / gsung ngag byung tshul legs bshad 'dus pa'i rgya mtsho rnams sngon du 'gro ba'i/ brgyud pa'i khyad par gnyis ldan gyi sems bskyed rnams dang / lam gyi dngos gzhi rgyud gsum gyi sgo nas bkri ba la thog mar slob ma rjes 'dzin sogs/ dbang gi mngon par rtog pa brgyad dang ldan pa'i rdul tshon gyi dkyil 'khor du rgyu dus kyi dbang bskur ba rtsa sngags aShta'i bzlas lung dang bcas pa/ lus dkyil 'khrid kyi sngon 'gror/ thabs rgyud kyi gtso bo lam dus kyi dbang bskur ba yi ge brgya ba'i bzlas lung dang bcas pa/ gsang dbang