[A:647]btsun ma gzhon nu ma gnyis kyis sa sha phung por spungs pa dang / de nyin phur sgrub bshad las pa'i tshig la/ rje rdo rje 'chang nyid 'gro ba thams cad kyi mgon po yin tshul dang / bod kyi grub mtha' kun sa lugs yin tshul gras la zhang g.yu drag pa'ang sa chen gyi zhal slob shan rdor seng dang / skyur a seng gi zhal slob yin tshul byung ba rnams la/ rje nyid kyi bka' las/ nges par brtag rgyu zhig yod do gsungs/ de mtshams nas dar rtse mdor me chus gnod pa nar mar byung ba rnams thugs kyis ma bzod par/ de dag bzlog phyir pha sgar dang zur sbug gnyis la stsal rgyu'i gur lha brgyad 'khor lo bcas dang / gser zangs kyi rdo rje 'chang / 'jim grub rje btsun gong ma lnga/ sngags 'chang chen po/ a mes zhabs rnams ring bsrel rnams bzhi'i nang bzung dang / khyad par yul phyogs der me chu'i gnod pa zhi ba'i 'dod gsol dang bcas dam ye dbyer med du byin gyis rlob par mdzad de stsal bas yul phyogs der byon pa tsam gyis gnod pa las grol bar gleng ngo / /dbyug zla'i nang mus chen la de mo rin po che'i mchog sprul skor lha mo shra baNa'i sgo nas brtag dgos gsungs pa'i bka' lan smin zla'i bco brgyad la 'byor rgyu'i tho rengs 'od gsal du/ skyed lhas yin dgongs pa'i brag rtser rje nyid dang / gzhan 'ga' re bcas mchis par rje nyid nas brag 'di la gter sgo gsal po yod pa'i gong de nas gcig gis bskos zin 'dug /gsham 'di na ji 'dra yod dam dgongs shul de nas brko bar mdzad pas/ lanytshAna'i AHrang byon dmar po zhig dang / brkos zin phyag na yod pa'i rdo ba'i dum bu der bod yig dbu chen gyi aHdmar po yod pa zhig 'khrungs pas mus chen gyi gsung dang cha 'drar mngon no/ /de dag gi don bsdu na/ gang dang dbyer med rgyal sras nyi zla zung / /chos srid bla nar 'phags pa'i thang yangs su/ /rgyal tshab mchog tu dbang bskur dge legs kyi/ /rten 'brel 'phrul