[A:662]dpon g.yog /thob rgyal gru tshang pa/ ri gdong pa sogs la phur dbang stod las dang / smad las mda' pad sku ngo zung la tshe dbang / smyung gnas pa rnams la ma Ni'i bzlas lung / rtse ban sogs la gur drag /g.yul sa shar du skya ser mang por khrom dbang / zhal ngo gzhan rnams kyis gye re rnam rtse sogs gnas gzigs mdzad/ de'i tshe rje nyid ches cher snyun tshul gyis gzhan gyis gdan 'dren dgos pa'i skabs de ltar na/ mdzod 'dzin sogs nas rang re'i gdan sa 'dir sku khams rim dngas par bzhugs na legs tshul sogs phyi nang gsang ba'i gsung mchid du ma snyan du phul bas/ bka' las/ rang re gdan sa nas 'thon skabs kho bo da lam nad bab lci mo 'di ltar mchis rung / gdung sku mched kyi dbu 'don la nges par 'gro ba'i dam bca' de bzhin dang / mchog gsum la mchod cing bsnyen bkur/ gnas khyad par can rnams bskor zhing de dag gi me btsa' gso ba/ tha na mu to ba sprang po yan gyi sems can la phan sems dang bcas/ nyin mtshan g.yel med mgo la me shor ba lta bu'i brtson 'grus 'di kho bo rang gi dam bca' yin pas/ da dung dus las yol med byed pas/ khyed rang tsho sems las mi dgos/ rim dwangs yong zhes gsungs nas snyun tshul gyi ngal ba khyad du bsad de nyin mtshan g.yel med lta bur 'gro don kho nar/ brtson 'grus kyi phar phyin rdzogs pa'i thabs chos rgyal nor bu bzang po'i rnam thar la 'gran bzod pa ni rje de nyid la rnam pa kun tu mnga' 'o/ /de nas bzung phebs 'phyang la rtag par phebs te snum rir bzhugs/ /nya mor gsol tsha dang se shing khar bzhugs/ sne bzhir gsol tsha dang zhang pa brag gdong du bzhugs dus 'bras skyed 'dus spyi nas zhabs brtan gsol 'debs kyis mtshon/ spyi sger la mjal phyag bkag med du mdzad pa ni de skabs rnam pa kun tu'o/ /zhal ngo byings rnams