[A:663]'bras skyed la'ang phebs/ de nas rin spungs su rdzong dpon sogs la tshe dbang lcags sdong ma dang / rta mgrin skyer sgang rjes gnang dang / rong byams chen du lam 'bras mgon rkyang dang 'byung 'dul gyi rjes gnang / de nas mkhar tshor bzhugs/ sang nyin ngur smrig dang nye bar sa chen dang yum gyi phyag rjes pha bong la mchis par khrus gsol rab gnas dus rje nyid kyis nam mkhar gzigs pas brtse ba chen po mngon gsum du byon byung gsungs/ ngur smrig g.yon 'gram gyi pha bong la sa chen gyis sku 'brum bzhes dus byung ba'i sku rjes la'ang khrus gsol dang / ram par bzhugs/ sang sku 'bum du gsol tsha dang bsil du bzhugs/ de nas dpal de dang phan la rtsa/ sang nyin snga mor phebs nas gam pa la rtser lha bsang rgyas pa dang / byang thang du bzhugs/ de'i sang phebs gru 'thon stag khu spe dang / de nas spos te skyed tshal du zhag 'ga' bzhugs shing khrom dbang / gnas bcu'i rjes gnang sogs chos bka' dang spyi sger re skong mtha' yas pa zhig stsal zhing / der rje nyid kyi sku la dwangs bskyed bzhes pa'i 'go zug cing / gzim chung der brtson 'grus mthar phyin yang rtse zhes pa'i sgo yig kyang thugs dges pa'i dbyings nas mdzad par dpags na brtson 'grus kyi phar phyin gnas der rdzogs tshul bstan pa gdon mi za'o/ /de nas stag khur khrom dbang / chu shur gsol tshe'i thog thar pa gling pa sogs spyi sger mang po'i re skong dang / gsal byed rdor gling du bzhugs thog sne shan pa dang dpal ldan bkra shis gdang / gong sa mchog nas mnyes spro le tshan gsum/ mtsham dar legs pa gsum/ khri chen bka' shag bcas nas kyang lha'i reg bya dkon mchog gi grangs ldan re bcas thog mar dge ba'i gzigs bskyangs dang / de nas shel grong gsar gling nas gsol ston dang gnam du gsol tsha'i thog /yar klungs mchog sprul rin po