[A:669]nas mjal phyag /'chams gzigs/ ljags lung / chos skyong sku phebs/ bka' rtsom dang gsung brtag /bsam yas dang 'chims phu'i gnas gzigs mtha' dag /rab tu gnas pa'i me tog 'bul ba/ de dag gi snga phyi bar gsum du zhal bkod che phra rnams dang / srod dang tho rengs mtshan gung sogs su phur dbang cha drug /bde mchog lU nag gi dbang cha drug re/ grwa sum brgya skor la rta mgrin yang gsang gi dbang / rjes gnang sogs ni bgrang ba las 'das shing / mchims phuu gnas gzigs skabs rje nyid la klu 'dul phug tu 'tsho rgyal gyi zhal gzigs te lung bstan zhig byung gsung ba las/ 'di byung bka' ma grol/ lcog tu phyi nang gsang ba'i rten 'dzugs kyi tshe rje nyid kyi 'od gsal du/ chos skyong chen po byon nas yon tan gyi rten de la lhag par dgyes nyams kyis 'di phye mar gyis bkang dgos gsung ba bzhin dang sdig khrab la bzo skyong yang mdzad pa sogs gnas der bstan 'gro'i legs spel rnams rim grub kyis/ brag kha rdzong mdun bzhugs sgar du bco brgyad sku mched/ bsam yas mkhan po sogs la lam dbang / lam zab phyi nang / bir bsrung phyi nang sogs dang / 'on khri smon mgon khang du gsung bskang dang rab gnas/ de nas rgyal sras rin po ches chibs bsus 'on chos sdings su zhag bzhi bzhugs/ rgyal sras sogs la rnal 'byor ma'i byin rlabs dang / sku rkyang la rig byed ma ngor lugs thun mong ma yin pa'i rjes gnang / zhal bsnyen dus bcas dang / tshur yang 'jam dbyangs chos skor gyi byin rlabs dang / las gshin phyi nang gsang gsum zhu bar mdzad/ gnas der rab gnas rgyas pa'i thog phyi bskor la phyag nas/ rmor chen rin po che'i bzhugs gnas rgod tshang du gsung bskang bla mchod/ lha bsangs/ sme brtsegs dang de'i grib glud/ sha brgya zan brgya/ brgya bzhi rnams bod khams