[A:668]nas/ dbu ru bka' tshal du bzhugs te/ klu mal dro gzi byin gyi pho brang mdun du ma 'ongs par skye 'gro rnams klu gza' rgyal gsum gyis 'joms par gsung yod pa'i lo rgyus stsol ba dang bcas/ sengge sgra/ chab klu bcas smin rgyas bstan 'gro'i bde thabs su gnang nas phyed dkar du phebs te/ 'dus tshogs la rnam sras ser chen dang 'jam dbyangs dmar ser rjes gnang stsal nas/ rim gyis mal dro gong dkar gyi rdor legs mgon khang sogs mjal zhing rgya ma sgrub rnying du bzhugs te/ zhabs brtan bskang ba sogs kyi lung dang / tshe dbang sogs stsal zhing / khri khar du tshe chog /kun rig /rnam 'joms byabs khrus bcas dang / de nas la mor bzhugs nas ko bar 'thon/ lo sems dpa' rin po ches chibs bsus te lo dgon du zhag drug bzhugs/ gur drag /gshed dmar dbang / dkar bdud rjes gnang / bskang ba'i ljags lung sogs stsal/ phan tshun nas 'chams gzigs dang / kye rdor zhi ba'i sbyin sreg /phyi bskor la rab tu gnas pa sogs mdzad nas gtsang thog tu bzhugs/ sang nyin ri bo dge ldan gnas gzigs thog sme brtsegs kyi khrus dang / grwa dmangs la phyag dbang / rje rin po che chos dbyings su mnal sa yin zer ba'i mdar spyi sger gyi mjal phyag sogs grub ste tshal bde chen du bzhugs/ de nas tshal gung thang du khrom dbang dang bla ma zhi khro'i dbang / 'bum mo cher phyag nas bcas dang / bde chen gnas gzigs rnams grub nas chang tshul du bzhugs/ tshes nyi shu'i nam phyed tsam la chibs bsgyur te dgod kha la'i rtser nam langs phebs 'phral/ lha bsang rgyas pa stsal nas sngas 'gor bzhugs/ sang nyin g.ya' ma lung gnas gzigs dang bcas bsam yas su zhag bcu bdun bzhugs ring mgon khang dang / lcog gnyis su rtag par gsung bskang dang / spyi sger