[A:677]mgon dpal ldan chos skyong 'di nyid lha mchog rdo rje gzhon nu'i ljags bsnyen la bzhugs pa'i skabs so/ /de dag gi don bsdu na/ dam pa chos kyi chol kha'i snod dang bcud/ /yangs pa'i klong du kun bzang thugs bskyed kyi/ /chu 'dzin 'khrigs so dge mtshan gsang ba yi/ /byin rlabs zim char mi nyil gdeng ci zhig /chos kun bslu med rten 'brel che ba yis/ /rang rang bde skyid sa bon smin pa'i 'bras/ /nyams dga'i glu gar 'khrol ba'i gzigs mo ru/ /ston gyi dpal mo'i lang tsho ngoms bzhin rgyud/ /mchog dman bar gsum mos gus bang mdzod du/ /'brel tshad don ldan dpyid kyis phyur ro kye/ /'phags chen snying stobs brtson 'grus gces pa'i nor/ /bdag bzung nor bzang thugs bskyed las kyang brgal/ /gang zhig zhabs zung bskyod pas nor 'dzin steng / /bde skyid snum po'i me tog dgod byed na/ /rlabs chen spyod pa'i zer phreng g.yos pa'i mod/ /legs spel bstan 'gro'i 'dab stong cis mi grol/ /slar yang rigs lnga'i pho brang dga' ba'i tshal/ /ngo mtshar g.yur du za ba'i cho ga ni/ /lhun grub phrin las tshad med bla ma rje/ /rgyal kun mkhyen brtse nus pa'i rang gzugs can/ /zhes kyang smras so// // ! dgung grangs nga gsum du byon pa lcags glang rgyal zla'i nang / rtsod dus 'gro ba rgyal sras gzhan gyis 'dul zhing du ma 'tshal ba'i mgon med yal bor rnams la lhag par brtse ba chen pos rjes su bzung ste/ dpag dka'i thugs bskyed smon lam bzhin thugs brtson chen pos myur du mngon par mdzad pa bdag cag gi ston pa mnyam med shAkya'i rgyal po dang / rgyal sras thu bo dpal phyag na rdo rje/ rgyal ba'i nye gnas 'phags pa kun dga' bo/ bsil ljongs mgon gcig padma 'byung gnas/ lo chen 'jig rten mig gyur bai ro tsa na/ grub rigs kun gyi gtsug rgyan rje btsun rin po che/ shes bya kun gzigs sa skya paNDi ta/ sngags 'chang bdud kyi stobs