[A:678]'phrog ngag dbang kun dga' rin chen/ de nyid slar yang rang rigs las grub pa'i brtul zhugs 'chang zhing / mnga' ris gtsang dbus khams sog mon 'brog kun la thugs rje che zhing / lhag par yar rgyab dpon sa'i gzhis ka dpal 'byor rab brtan char gtogs bcas gdul zhing du gzigs nas phyogs der gdan phab ste bstan 'gro'i don chen du mas rjes su bzung mthar/ gzugs sku 'od gsal chos dbyings su bsdu bar mdzad pa'i rnam thar yang gdan sa der mdzad pa dpal sa skya pa chen po sgar chen mthu stobs dbang phyug rnams kyi snang brnyan byin rlabs kyi gzi 'od 'bar ba gsar bskrun mchod tshogs dang bcas te/ sa phyogs de'i bde skyid la ched du dgongs pa'i thugs bskyed dang chabs gcig zangs ri gung bkra shis rnam rgyal la phebs skabs bsu ba sogs legs lam gyi bka' 'doms dang bcas dpal rab tu stsal/ rta zla'i tshes gcig la bsam yas mi 'gyur lhun gyis grub pa'i lha lcog tu rje nyid kyis gsar bskrun gnod sbyin tsi'u dmar po'i spu gsob la zhugs rang bzhes dang / dbo zla'i mjug nyi ma rgas nye zhig la'ang gang nas 'ongs cha med pa'i me phung skad chen zhig 'thon nub dang byang phyogs su song ba'i sbir gtam mang du gleng ba sogs byung zhing / de'i nyi shur lha rdzong dgon gsar lu spe nor bu chos lung zhes/ sngon g.yag mi pham chos kyi bla ma'i dgon gnas gog po zhig la lhas rdzong pas nyams gso chos sde bcas btsugs shing / 'bru'i sngags 'chang bsod nams chos 'phel gdan 'dren gyis chos kyi 'khor lo bskor ba dang / yang yang zhabs kyis bcags pa sogs kyi gnas de nyid na grwa rgyun dang / grwa sdod 'os gzhan ma mchis pas/ de nyid kyis sngar rgyun bzhin dgon par 'khra bzung bgyis pa legs sam/ da tsam dgon pa bsdus shing rten mchod rnams sa skyar drangs te sbyor 'jags dang / dge rgyun rnams mo dgon rin chen sgar du sbyar na ji ltar legs/