[A:682]'jog bzhed gyi gsung las/ de ring nyi 'dzin yong bar thag chod de bzhin la/ rgan bu rnal 'byor dbang phyug tu langs rgyu yin pas khyed rang kun/ nyi 'dzin rtsis pa'i sgo yig dang bcas pa la bltad mo ltos shig gsung ba dang mnyam du nyi 'dzin mi mngon dbyings su byin gyis brlabs pa sogs sa lam mthon por byon pa'i rtags 'ga' zhig 'di dus ston par mdzad/ chu stod zla nang gong sa rgyal ba'i dbang po gang nas zhing 'dis mtshon/ mtha' dbus bstan 'gro'i srid zhi'i dpal 'byor la/ bka' lung yid bzhin nor bu'i shing rta ci dgar bsgyur te/ grub gnyis 'dod dgu'i dga' ston gyi bskal bzang shar ba'i skabs su/ zhabs pad srid mthar brtan pa'i rten 'byung legs skyes/ sku gsung thugs yon tan phrin las kyi rten rnams sngon 'gro'i sgo nas bzang dgu'i dngos 'byor rnams bstar ba dang / de sngon nas 'jam mgon sku mched la mi 'gyur phyag rtags kyi las tham che chung re rje nyid nas gsar bskrun mdzad pa'i/ dam phud 'di ga'i rten ji snyed pa dang / de skabs rgyal dbang mchog sogs la'ang 'bul bar mdzad pa bcas mdzod 'dzin par bka' gsang gis gdams nas/ 'dir phebs skabs gang ci'i gsung shog legs lam dge ba skyes bzang gis sba bas mtshon/ rin po che khams brgyad kyi dzhaikShiM las grub pa'i mkha' spyod rdo rje btsun mo'i snang brnyan che chung gsum rje rdo rje 'chang yab sras zhal rnam pa gsum la dgyes stsal dang mnyam du/ rje nyid la phan khang dbon sogs nas nA ro mkha' spyod kyi 'khrid sogs gser chos bcu gsum gsol btab bzhin gnang ba'i 'go zug dang stabs 'grig bcas rten 'brel gyi gnad khyad par can du 'grig cing / gzhan yang chu stod zla nang glo bo rgyal po a haM dbang rgyal rdo rje dpon g.yog rnams gdan sar phyags legs par phebs te khrums zla'i tshes 'go bar bzhugs nas rten khyad par