[A:683]can rnams la mchod pa bsnyen bkur/ dngos 'bul sogs yang dag mdzad cing / khong rnams kyang lugs zung gi bdag rkyen bzang pos rjes su bzung ba dang / lhag par tshe dbang rigs mi 'dra ba kha shas dang / gdugs dkar nyer bdun ma dang / grwa lnga'i dbang tshan sogs brtse bas bskyangs mu dang / gong sa rgyal dbang mchog dgung keg snga bsur byon pa'i sku gegs sel phyir/ gzim spyil dkar po'i bse mgon yid bzhin nor bu'i sku drung du/ 'jam mgon zhal rnam pa gnyis/ rje btsun drung ban tshang pa'i 'khor tshogs bcas nas rje nyid kyi bka' bzhin gsungs bskang smin rgyas dang / zhag gsum ring 'dus tshogs su sde dge sa dbang la cung zad 'tshubs nyams 'khrungs pa sel phyir sku rim rgya che gnad smin du 'doms par mdzad/ ring min nas rgyal dbang mchog gi thugs bzhed bzhin gnod sbyin tsi'u dmar po'i sku gsob gzungs rab gnas sogs cho ga rnam dag gis bskrun pa/ sku tshab ched mngags kyi phul bas dgyes bzhes yang dag par mdzad ces thos lags/ de nas dmar po skor gsum gyi rjes gnang thun mong dang thun mong ma yin pa/ dmar mo skor gsum/ dmar chung skor gsum mam gnyan lo'i dbang lha gsum/ dzam dmar srog sgrub bam sa lug dzam dmar/ khyung khra/ 'jam nag /sengge sgra ste gser chos bcu gsum dang / dpyal lugs phag mo skor gsum/ phag dkar/ mkha' spyod ma'i dmigs 'khrid yongs rdzogs man ngag zhal shes dang bcas pa/ chos nyid dngos ston byin rlabs/ dbu ma che ba'i 'khrid/ chos nyid dngos ston ma gtogs tshad ma'i yig lung / ku ru kulle lha lnga'i dbang dang gsang sgrub lha lnga'i byin rlabs/ grwa dzam/ rten 'brel bsrung ba'i byin rlabs lung bcas dang / rgyal sras bka' 'bum/ ngor chen bka' 'bum pod bzhi ma/ mus chen bka' 'bum/ bde