[A:685]zhes kyang smras so// // ! dgung grangs nga bzhir byon pa chu stag /lcags byi dbyug zla lhag pa'i dbang du btang na gong bsam yas su zhugs rang 'bar dang zla dus mtshungs par/ ljongs 'dir bstan pa snga dar chos rgyal khri srong lde'u btsan gyi sku ring la/ bla mchod mkhan slob dam pa zhal rnam pa gnyis nas dpal bsam yas rgyal po'i dgongs pa bzhin bstan 'gro'i dpal du gsar bskrun gnang rjes bka' srung klu ma dros pa la zhus pas ma gnang bar/ ma mo dang rgyal po rgya yul bkra shis khri sgo'i dong ka'i gtsug lag khang nas ma mo dang / li yul lcang ra smug po nas rgyal po bkug pa'i ma mo khyung lung mar grags pa 'di ni/ sngon yab bdud rgyal mthong rtags dang / yum dmu bzhin mi sdug la bu mo bzhi dang / ming po gcig 'khrungs pa'i a lce gnam sman dkar mo'am rdo rje rab brtan ma sogs mtshan gyi rnam grangs mang po dang / de 'og 'brog chen 'khor 'dul sogs mtshan gyi rnam grangs can/ de 'og grom pa rgyang gi srung ma rgyang ma sogs mtshan gyi rnam grangs can/ de 'og lha mo 'di nyid ni dong ka'i gtsug lag khang gi 'phan ring nag po la gnas pa slob dpon rin po che'i rdzu 'phrul gyi rten bcas bod du bkug te/ rgyal po dpe dkar dang lcam dral du mdzad nas bsam yas kyi srung mar bskos/ re zhig nas zhang zhung rgyal po li man gyis/ mnga' ris stod du khyung lung dngul dkar gyi gtsug lag khang bzhengs pa'i srung mar slob dpon shIntaM garbha'i rdzu 'phrul gyis bsam yas nas bdud mo gnas pa'i 'phan ring bkug /ming pos bsam yas su log byon/ lha mo rten la chags nas khyung lung du bzhugs pas khyung lung mar grags pa byang sems zla rgyal gyis dmu rdzing du 'phan bcas spyan drangs pa 'dra ba'i 'phan byin can de yin nges na/ 'phan des mtshon dmu rdzing mgon khang rten brten par bcas la dge byed rgyal