[A:684]mchog sgrub dkyil mtshams sbyor/ brag rdzong ma/ mgon po'i char 'bebs/ sA tu'i 'pho ba/ rnam bir sbyin sreg /phur chung / brul gtor/ dmar 'khrid rgyas bsdus/ smyung gnas le tshan/ bde mchog chos 'byung / lu nag dril gsum bskyed rim rnam bshad dang / de gsum 'khrid kyi khog phub/ bskyed rim rnam bshad 'bring po/ /bsnyen thabs rgyas 'bring bsdus gsum/ tho bskyed chog /phur pa'i sbyin sreg /chos srung gi bskang ba'i ljags lung sogs nar mar bka' drin che mu'i/ smin zla'i 'gor byang pa sde tshogs la gsung bskang nyin gang ma spyir dus bde zhod 'jags 'byung ba dang / khyad par rje rdo rje 'chang nyid kyis chos bka' rgya cher stsal 'bras bzhin/ gang gi rigs sras rgyal tshab dam pa mchog dang / gzhan yang bstan 'dzin kha shas gzhi bsnyen la bzhugs stan 'jags rgyu'i rim gror ched dgongs kyis stsal nas/ ma 'gyangs par kha'u sman chab mdzad de/ 'jam mgon dbang sdud snying po nyid nas 'khor lo bde mchog dang yar klungs mchog sprul/ rtse gdong sprul sku sogs kye rdo rje'i gzhi bsnyen la bzhugs dgos pa'i bka'i gnang ba stsal nas/ rje nyid chos 'chad sogs 'char 'phar gyi bstan 'gro'i bgyi bar thugs gzhol ba'i skabs so/ /de dag gi don bsdu na/ dpal 'byor rab brtan brjod don ldan par sbyar/ /zan yangs lcog tu bzang ngan mtshan ma shar/ /'gro don rdzogs pa'i dgon gnas rten spyan drangs/ pha drug Da Dir sa gnad me btsa' byin/ /zab rgyas chos kyi skya rengs kyis bsus pa'i/ /yongs rdzogs gsung ngag slob bshad nyin mo'i mgon/ /skal ldan gdul bya'i blo gros 'dab brgya pa/ /nyer grol bstan 'dzin sbrang rtsi'i dpyid du smin/ /phyag na padmas mi mngon gzigs pa'i mchid/ /ngo mtshar rten 'brel bung ba'i rgyang glu yis/ /bskul ba'i bzhed skong lhun grub 'jug sgo brgya/ /bstan 'dzin 'bras bu'i g.yur za ldem dang 'grogs/ /