[A:338] /zhes gsungs shing / des na sngon gyi mkhas pa rnams/ bod 'dir bram ze'i rigs su gsal ba ma byung bas/ rgyal rigs/ rje rigs/ dmangs rigs gsum du 'du bar bshad pas/ dkon pa rje gung stag gam dpal bo che zhes/ chos kyi rgyal po khri srong lde'u btsan gyi nang blon de nyid kyis ni/ zhang blon rje'u rigs su bshad pa'ang yod mod/ gzugs khams lha gnas gsum pa 'od gsal nas gnam gyi lha mched gsum byon pa'i bar pa las mched pas lha rigs gtsang ma 'gran bral nyid du 'khums shing rus ni rigs ma nyams pa'i pha de'i brgyud pa las byung ba ste/ des na gang gi lha rigs gtsang ma gang las byung bar gyur pa'o/ /cho 'brang ni zhang po khungs dang ldan pa la 'jug ste 'og tu 'chad lags/ don de dag la dgongs nas ngor chen thams cad mkhyen pa dkon mchog lhun grub kyi gsungs las/ mi shes gdol pa'i phrug gu phongs pa yi/ /'khor gyis bteg la 'jig rten 'dren pa zhes/ /smig rgyu 'bab chur sgrogs pa'i grag stong sgras/ /'jig rten yangs por byed dang 'di mi mtshungs/ /zhes kyang bsngags par mdzad do/ /de yang gnam lha mched gsum 'byon nas kyang yul mtho zhing gtsang ba mnga' ris stod kyi sa'am lo rgyus 'ga' zhig na byang gi shel tsha rgyal mo'i gangs 'gram du byon par yang bshad pas/ gcung po g.yu ser sras bzhi byon pa yab bcas lha yul du gshegs/ bar pa g.yu ring dang dmu bza' ldem bu las/ sras ma sangs spun bdun byon pa'i gcen drug yab dang bcas kyang lha yul gshegs/ bdun pa ma sangs spyi rje dang thog lcam 'ur mo'i sras dpa' bo stag /de dang klu lcam dra ma'i sras stag po 'od can te 'di rnams bar snang la bzhugs par bzhed/ /de dang mon bza' 'tsho morgyal gyi sras g.ya' spang skyes rnams ni lha'i gdung rabs so/ /des srin po