[A:695]rigs sum cu kha yar/ dud sol ma'i be'u bum gyi ljags lung sogs dang / khyad par zhal ngo rnams kyi dbu g.yas phyag gnyer sogs drag bsdus ji snyed par bzhugs khri padma can gyi steng nas rnam sras ser chen gyi rjes gnang gzabs ma'i thog nas stsal ba'i tshe/ so sor 'byung 'gyur hur bskyed mdzad dgos kyi bka'ang grol ba dgongs gsal ltar dang / gzhan yang ston smad kyi bla tshong khag ji snyed par bka' slob snga rabs kyang zhib rgyas 'byung 'gyur dang bcas dang / spyi sger dad can rnams la mjal phyag /zhags 'chags/ bka' rtsom/ gsung bris/ rnam sras bskang phrin/ sku rim gyi ljags bkod/ gnod sbyin 'khor lo mang po'i sgrub pa/ rje nyid kyi 'dra sku rin po che byes log bzhis brtan zhes rje nyid nas mtshan gsol zhing / dar gling grub dbang la ma stsal bar 'jam mgon mchog la stsal ba de'i rten 'brel gyis rjes su mang mkhar nas sa skyar byon thub pa'i yin snyam kho bo sems pa sogs la phyag nas rgyas pa/ las bzhi'i sbyin sreg phyag rdor gtum mo'i dug dbyung rgyun ring bar/ ring mo'i dus nas rje nyid kyi thugs dgongs thun mong ma yin pa gro bzhin badzra kI la ya'i sgrub mchod thogs 'grems par mdzad rgyu'i nor phreng phye phur sogs gos bzang dgu las grub pa'i/ mchod rdzas 'di rnams bkas 'doms shing spyan lam du'ang gzigs su gsol ba/ sde dge gnyer chen mgon tsher lugs zung gi bdag rkyen yang dag pa'i thog /rgyal sras mchog la khab bzhes skor sogs phyi nang gsang ba'i bka' stsal du ma dang / chos lhun grwa pa zhig la dregs byed rdo rje shugs ldan rtsal glo bur khog brlams kyis de ga'i gtor bzlog 'phen dgos kyi lung bzhin ljags bsgrigs thog de bzhin mdzad pa sogs/ snyun babs lci mo de lta'i gnas skabs su'ang / ngo mtshar dang bcas bsten mkhas kyi mdzad pas dus 'das rjes/