[A:696] ma 'ongs mngon sum du gzigs te/ tshoms dmar mkha' spyod sogs bkod legs kyi bka' 'doms ni/ spur bzhu'i gnas dang / pho brang la zhig gso'i skabs sku chas 'jog par dgos so/ /zhes gsungs rgyur gor ma chag /de nas kha'u sman chab la phebs 'phyang thog sku bskyod kyi tshe kun rar drag bsdus rnams nas rje nyid la mjal dar bstar ba'i tshe'ang bka' gsang so sor grol mur/ lha bris dbu byed la/ kho bo'i 'dra sku 'dra mang du bzheng dgos yong bas ngos kyi gdong la yang dag ltos shig /ces bka' stsal/ kha 'ur dga' bo chu tshan chab bdugs skabs kyang sku khams res 'jog kho na dang / thog steng du snga dro lha bsangs/ sengge sgra/ chab klu bcas rgyal khams lo rim la ched du dgongs te rtag par gnang / snron zla'i lha mo mchod kyang rdo chu'i steng du ji bzhin gnang rgyu'i tho rengs/ sku khams shin tu nyog pa de'i tshe/ dpal ldan lha mo nyid kyi dngos su zhal bstan nas lung bstan mang du stsal mthar/ gzims lugs de ltar ma mdzad par/ krong gis dbu mnyel sku rgyab gtad de gzims nam gul glo chung ba yong / zhes kyang gsung ba dang / de nas nyin gcig sa skyar bzhugs tshe'ang gzhi thog ser khang steng du lo rim la ched du dgongs pa'i lha bsangs sengge sgra/ chab klu sogs thams cad kyang 'phags chen byang chub sems dpa' bdag bas gzhan gces kyi rnam thar lhur bzhes kho nas dus 'da' bar mdzad pa ni deng sang kun gyi thugs gsal ltar dang / de'i sang nas mang mkhar sman chab la phebs lam sgrol ma lha khang la gnas gzigs dang / g.yas bskor gyis/ zhal mjal phyag dbang sogs bkag med phebs 'phyang thog nas stsol bzhin par shel phreng la brgyud rgan mo kha dron zhes par bzhugs nyin de ni/ sa skya'i thad nas lho nub phyogs su 'ja' dkar po shing sdong chen po lo 'dab rgyas pa lta bu zhig dang / me tog gi char