[A:698]che 'di'i phyi mo lta bur shar ba dang / ljags rtsom gyi phyi ma rang yin lags/ de nas phebs te thub bstan dge 'phel du bzhugs nas/ rje btsun rin po che'i snang brnyan lung bstan sku 'dra rin po che'i drung / de'i bla ma'i rnal 'byor dang sbrags rje btsun sa skya pa'i gdung rabs rin po che srid mtha'i bar du byon nas bstan 'gro'i mgon po mchog tu 'gyur ba'i thugs bskyed rgyal sras kun tu bzang po'i ngang tshul can du mdzad pa dang mnyam du/ sku de sku pang du gdan 'dren skabs rje nyid la ring bsrel gnyis tsam byon zhing / mgon khang rten rnams dang tshar chen rin po che'i snang brnyan sogs la'ang gong gi mtshams sbyor de bzhin dang / tshogs bdag kyang mdzad cing / de'i nub mo ni sku khams ches cher nyog cing / tho rengs kyi char gsung lhang lhang gi mur rje btsun rin po che phebs byung bzhugs stan things gsung ba dang / yang skabs 'gar rje btsun rin po che gdan 'dren zhus shig gsung ba dang / skabs 'gar dza lung pa sku mdun du myur du gdan 'dren zhus gsung pa sogs 'khrungs snang mtha' yas pa'i mur 'byams/ de nas gzhi bdag sho dmar bar gsol mchod dang bcas sngar gyi rgan mo kha dron du bzhugs/ de'i sang 'phrang phur bzhugs dus rlung chen po ldang ba sogs 'tshubs nyams kyang 'ga' zhig byung zhing / de nyin gza' skar yang 'jam pa bcas rje nyid kyi rtogs brjod rin po che dbu tshugs tsam zin bris phran bu zhig mdzad pa ni/ 'di dang 'di lta bu dgos so zhes 'doms par mdzad pa yin grang / de'i sang snron zla sngon ma'i nyer drug nyin lhun grub ldengs su zhal ngo rnams dang / chos zhu ba sku drag rnams bcas nas chibs bsus/ mnga' zhabs kyis gzhas/ ser phreng sogs legs lam bzang po dang bcas gdan sa chen po'i gzhi thog pho brang du phebs skabs/ khyad 'phags byang gi them skas la 'chel bzhugs yun ring tsam mdzad nas/ skye dgu kun zhal dkyil la longs spyod du 'jug