[A:303]dgu'i nyams kyis rnam par rtsen/ /thabs shes zung 'jug bde stong ga zhas rgyal kun thugs rje bskul dang lhan cig 'gro blo'i bag nyal gnyid bcom nas/ /gsal stong rang rig ye shes mchog gi thar pa'i khang bzang 'pho 'gyur bral ba gdod ma'i gnas su nyer bkri ba'i/ /bla ma mchog dang dbyer med snying po nges pa don gyi kye yi rdo rjer sgo gsum dad brgya'i lag pad zums/ /rgyal ba rgya mtsho'i thugs bskyed dam bca'i snga rol nyid du rnam par grol ba'i lam bzang mchog gi 'jug ngogs su/ /rlabs chen spyad pa'i 'bras bu mthar phyin de lta na yang rtsod ldan lnga bdo'i mi bsrun gdul dka'i mgon po ru/ /thugs rje mchog gis rjes su bzung nas bcu gnyis mdzad pa'i ngo mtshar bkod pas sa gsum phan dang bde ba'i dpyid/ rab tu 'bar ba bsnyengs bral rdo rje'i ting 'dzin g.yo med rnam 'dren bzhi pa bu ram shing par phyag bgyi'o/ /bskal bzang lha yi lam po che la rmad byung thugs bskyed ma rmad rab tu rnam par bkra ba'i rdzogs sangs rgyas/ /sgrol byed brgya phrag phyogs kyis 'khyud pa'i rang rang mdzad bzang 'char nub dkyil 'khor ji bzhin ston las bgrang bya'i 'bras/ /'byung bar 'babs pa theg chen chos sgra mi 'jigs seng ge'i rgyud kyi nga ros sa steng yangs ldan yongs khyab par/ /don yod bsgrags nas bdud bzhi'i g.yul las rab tu rgyal ba'i rgyal tshab dam pa mi pham mgon khyod gtsug na bsnyen/ /dbus 'gyur 'chang gi rdo rje'i stan la zab zhi spros bral 'od gsal 'dus ma byas gang dus gsum brnyes kun gyi/ /gzhom 'bras gsung gi gsang ba'i yab gcig nyon mongs pa dang shes bya'i sgrib tshogs drungs nas gcod pa'i rno ngar mtshon/ /gsung rnam dag pa so sor rtog pa'i ye shes sa la 'gro rgyud khengs dregs dbang med 'gugs pa'i pusta kaH /thabs shes brda thabs dbyings su gzengs pa'i gzhon nu'i sar 'phags rdo rje rnon