[A:304]pos smra lce 'khrol/ /rab tu zhi ba mchog gi thad du bde blag 'khrid pa'i sa mkhan ded dpon snying stobs rtsal gyis phyug pa po/ /chags bral bgrod byar thabs mkhas 'phrul gyis re 'dod blo yi bsam pa 'gengs la gdung ba 'gog pa'i dam bca' btsan/ /mi yi seng ge dus gsum bkra ba'i longs spyod 'khor lo'i gsang ba rmad byung tshig gi re 'khar 'gying ba'i gzugs/ /khyad par bzhi ldan skyabs mchog dam chos tsintA ma Nir zhing gi rdul snyed sgo gsum 'jug pa gcig tu brel/ /rang blo'i bum par dpyad gsum rnam dag nor gyi snying po bslab gsum dag byed yon tan brgyad kyi mdzod bzung bas/ /bsod nams ye shes phung por byed pa'i zhing gi mchog tu thub gsung tshad ma'i me tog gis bsngags 'phags pa'i mchog /mi dge'i grogs ngan ring du phyung nas rnam dpyod khrims kyi rtse dga'i ro la rtag chags 'dun pa mi bskyud pa/ sgam zhing dul ba'i ngang tshul bzang po 'dren byed yul du shar ma thag nas dad pa'i spu long cis mi g.yo/ /rgyal kun gsang gsum gdug can g.yar lam 'jigs rungs sprin nag gzugs dang 'grogs pa mi bzad khro khros rngams pa'i sku/ /rab 'bar me lce'i phreng bas nyer dkregs hUM phaT 'brug stong sgrogs pa'i mod du zhing bcu'i dgra bo 'joms pa'i thog /drag rtsal gtum pos phye mar btags nas bstan dang de 'dzin legs par bskyang zhes rdo rje 'dzin gyi mngag gzhug tu/ /mdongs gsol phul nas zhal bzhes ji bzhin mdzod ces 'di na 'bod pa'i gtam gson mthu ldan bstan srung dregs byed kye/ /rab dmar dbang gi 'ching zhags res kyang srid zhi'i brtan g.yo 'gugs pa'i dngos grub sgrub po sha ba ri'i lag rtser/ /sbyor ba'i byed po rig byed lus phra mngon 'dod rgyal po mche ba gcig pas dngos brgyud dpal ldan bla ma'i bkas/ /ci mngags 'bras bu g.yur za ldem dang lhan gcig mi zad nam mkha'