[A:701]gang 'dul sku mchog tu/ /rgyal ba'i phrin las shar ba'i mgon po khyod/ /rang nyid zhi bde'i sa la phebs min nam/ /snyigs ma'i ngan spyod dug mtshos bslad pa yi/ /bzang por 'khrul pa'i 'gro la skyengs gyur nas/ /bde bar byon na mgon pos ma nongs te/ /slar yang gdung shugs gsol 'debs rjes 'dzin mdzod/ /mtha' med 'khor ba'i sa gzhi khyon yangs por/ /zin med mi dge'i sa bon btab btab nas/ /ngal med stsol ba nor ba'i sems can la/ /dmigs med thugs rjes gzigs shig drin can rje/ /dung dung sems pa 'gul ba'i dran shes kyi/ /lhang lhang smre sngags cho nge'i dar dir dbyangs/ /hrig hrig mig gi bung ba chus brnangs nas/ /had had 'dre zhing ldog la thugs rjes gzigs/ /yang yang 'khor ba lu gu rgyud nyid du/ /mang mang 'khyams pa'i ma rgan sems can kun/ /bde bde thar par bkri ba'i mgon po ru/ /myur myur sprul pa'i gar mdzod drin can rje/ /zhes kyang smras so/ /de ltar bdag sogs lha dang bcas pa'i 'gro ba yongs kyi skyabs mgon sku drin nam mkha'i mtha' dang mnyam pa de nyid kyis dgung grangs lnga bcu rtsa lnga'i snron zla phyi ma'i tshes gcig gi bar du/ bstan pa dang 'gro ba'i don rlabs po che kun gyis 'gran zla dang bral bar mdzad nas/ mdzes byed chu mo yos kyi lo'i spre'u'i zla ba nyis brtsegs kyi phyi ma'i yar ngo'i bzang po dang por res gza' mig dmar/ zla skar nabs so la babs pa'i nyi dros sbrul gyi 'go zin tsam la ngo mtshar gyi ltas dang chabs gcig gdul bya rtag 'dzin can rnams chos la bskul zhing / le lo can rnams brtson 'grus la 'god pa'i phyir dang / snyigs dus kyi spyod ngan la khrel ba dang yang bcas gzugs sku chos kyi dbyings su bsdu tshul bstan pa'i mod nyid la/ nam