[A:700]zhig gsung dar dir gyi ngang du/ sa skyar phebs dus na bza' gzabs ma dang bcas phebs dgos gsung ba dang / nged kyis sa zhu kha gsar sum brtsegs su bzhes yod gsung ba dang / rje btsun rin po che grags pa rgyal mtshan zhes yang yang gsung ba dang / rje btsun rin po che grags pa rgyal mtshan byon nas dbang bskur mdzad kyin 'dug gsung mur thugs zag med kyi bde bar 'byams pa sogs ni dngos su mthong thos su gyur lags/ tshes gcig gi nyin rje rdo rje 'chang chen po nyid kyi dbu bla rnams la mchod bshams rgyas pa dang / dbu sngas kyi gsol lcog steng du yab rje rdo rje 'chang bsod nams rin chen gyi byin rten 'ga' zhig dang / khyad 'phags nas ma skyes dgra'i gdung skal sangs rgyas kyi 'phel gdung sogs spyan 'dren mdzad/ tshes gnyis kyi tho rengs kyi char sngar mu bzhin bzhes thug zhus pa yang gsol bar ma gnang nas/ 'o da thugs dam lam dus kyi nyams bzhes la 'jug go gsungs nas/ lam dus rgyas pa gnang ste mi bskyod pa chu dbang gi snying ga yan chad gang / shes rab ye shes kyi dbang thob/ ces yang yang bskyar zlos kyi tshul du thugs bde nyams dang bcas gsung mur/ rgyun ring 'das rjes rje btsun gong ma'i byin phye dang / sangs rgyas kyi 'phel gdung sogs bzhes te/ rtag 'dzin can rnams chos la bskul ba dang / le lo can rnams brtson 'grus la bskul ba'i phyir nyi dros kyi dus su gzugs sku 'od gsal chos dbyings su bsdu ba'i tshul bstan par gyur to/ /smras pa/ kye ma skyabs gcig drin chen rdo rje 'chang / /bde nas bde ba mkha' 'gro'i dar lam la/ /gshegs pa'i tshul 'di dngos sam rmi lam ci/ /dngos su gyur na gdul bya'i lhag ma kun/ /bye phrug thang la 'khyams pa'i rnam thar shar/ /rmi lam yin na chos kun de ltar du/ /snang stong ma zhen ma 'gags mgon khyod kyi/ /gsung gis gdams pa'i nges shes da ni go /grangs med bskal pa'i sngon du byang chen gyi/ /sa la 'dzegs kyang