[A:703] bdag med ma/ phur pa/ gur drag sogs thugs dgongs zab mo rdzogs thabs spyi dang bye brag thams cad 'jam mgon gong ma mchog gi bka' gsang gis 'doms par mdzad cing / gzhan yang yar klungs mchog sprul rin po che dpon g.yog nas bdun gsum ring kye rdor dang / bco brgyad sku mched nas kun rig sogs dgongs pa zab mo rdzogs thabs rgya che rgyun khyongs su mdzad skabs spyi sger nas mchod 'bul bsnyen bkur gzabs mas dus 'das shing / dgung zhag them nyin kyang rtse shod nas mchod pa bsnyen bkur bla na med pa sogs mdzad skabs su'ang nam mkha' dngas shing / 'ja' 'od 'khyil ba dang / me tog gi char ni rtag par khor mo yug dang lo ltar dus dran gyi thog tu'ang 'bab par byed do/ /bdun phrag gnyis kyi ring chos sde lho byang / chos lhun/ rin sgang / sngags drug sogs nas bla mchod/ smon lam/ gsol 'debs le tshan rnams la rtag 'grus dang / mang ja brgya mchod/ stong mchod/ snyan shal sogs ni grangs mang stsal zhing / dbus gtsang mngar ris lho phyogs dang bcas pa'i grub mtha' ris med dgon bzhi brgya brgal tsam la mang ja/ bsngo rten/ spyi 'byed dngul srang brgya dang lnga bcu ri ba nas gnyis gsum ri ba'i bar du 'dus pa mang nyung dang bstun pa dang / ngor gong mus bkra shis chos sde sogs rang lugs kyi dgon chen 'ga' zhig tu dmigs bsal gyi dgongs rdzogs sgrub mchod dgos cha yon sogs bzang por bstabs shing / gzhan yang rgyal dbang rin po cher gtsos ldan gyi tshan bcu gnyis/ khri chen la de bzhin brgyad/ bstan rgyas gling du mchog sprul rin po cher bzhi/ bka' shag lhan du de bzhin/ phur lcog /lo sems dpa'/ 'on rgyal sras/ sle lung / smin gling / dngos grub sdings/ dza lung pa/ bsam sding sa rje btsun sogs la re re/ bla brang mchog tu thams cad