[A:704]mkhyen gzigs rin po cher drug /phyag mdzod du bzhi sogs gshegs rdzong che phra'ang mang du stob par gnang / de rnams kyis gtsos gzhis phyes mtha' dag nas dngos po bzang dgu mtha' yas pa'i gdung 'bul kyang phul/ gdung rus rnams gzim chung du spyan drangs te rgyun ring bar 'jam mgon zhal rnam gnyis rje btsun drung sogs nas gsol 'debs bla mchod sogs mdzad/ de nas gdung rus rnams las rang byon sogs yod pa 'ga' zhig ma gtogs tshang ma btul nas sAtstsha 'bum brgal tsam dang / bla ma yi dam sangs rgyas byang sems chos srung nor lha dang bcas pa'i sku par grangs mang 'debs par mdzad skabs/ dngul srang chig stong chig brgya re bdun zho drug /gser srang brgyad cu gya brgyad dang zho phyed brgyad sogs las grub pa'i dngul gdung rin po che phra rgyan gyis spras pa dang / 'dra sku rin po che gsar bskrun ring bsrel rnam bzhi spyi dang bye brag de dus kyi tho gsal bzhin gyi sa phyur te/ 'jam mgon gong ma zhal rnam pa gnyis kyi dbus/ mkhan rin po che sogs ban tshang 'dus tshogs bcas nas rab tu gnas pa'i me tog gis byin rlabs kyi gzi brgya 'bar bar mdzad/ de nas thang ston/ 'jigs byed bcu gsum ma'i sgrub mchod dang rab dbye kha skong rnam 'grel gzhung sbyong ser 'du bcas dus dran thog rgyun 'dzugs/ rje rdo rje 'chang de nyid kyi dgongs bzhed bzhin lha chen sprul pa'i khyams stong du rgyal ba tshe mtha' yas pa'i snang brnyan dngul rdo tshad brgya rtsar nye ba las grub pa ngo mtshar can 'di nyid kyi gzungs phra rgyan sogs de dus kyi zin bris bzhin dang bcas/ rab tu gnas pa'i me char gyis byin mthu can du grub pa sogs 'di rnams gtso bor smos/ dgongs pa zab mo chos dbyings de bzhin nyid du rdzogs pa'i thabs mtha' yas pa zhig /'jam mgon gong ma zhal rnam pa gnyis phrin las kyi kha lo sgyur ba po bcas nas yang dag par 'bad med lhun gyis grub pa'i dge mtshan can du