[A:707]ring du brkyangs te mchog gsum spyan snga ru/ /mthol bshags rten du 'bul gyis dag par mdzod/ /chad lhag 'gal zlos mu cor smra ba'i skyon/ /ci mchis thog med sdig dang lhan bshags nas/ /gang gi mdzad phrin dri bsung mngar po'i rgyun/ /yid gnyis spangs te phyogs brgyar bsku bar shog /tshe rabs bgrangs yas ngal ba khyad bsad cing / /gtan 'dun sgrub pa'i dam bca' snying bkod nas/ /brtson 'grus dang 'grogs 'bras bu sgrub pa bas/ /don yod stong lhag las 'di grub pas bde/ /gang gi gsung gi gdams pas rgyud brlan zhing / /rnam kun thugs rjes 'tsho ba'i dbugs dbyung gis/ /gnang ba thob dang lhan cig bla ma dang / /mgon po dbyer med mthong ba'ang skal ba bzang / /dam pa mchog dang dbyer med 'khon ston rje'i/ /byin rlabs snying gi chu mtshor nyer sim ste/ /rtogs brjod rin chen sde bzhi'i yur lam nas/ /drangs pa'i rgyun 'di skye dgu'i dad mchor rol/ /lhag bsam g.yas su 'khyil ba'i shang kha yis/ log smra 'dzin khri'i rgyu ba nyer bcom nas/ /ris med rgyal bstan chos 'khor bskor ba'i sgras/ /sa steng khyab cing de 'dzin sku tshe brtan/ /khyad par rigs lnga rdo rje 'chang chen bcas/ /bsti ba'i gnas 'dir rigs gsum sprul pa'i gar/ /nam yang mi nub dpag bsam shing chen gyi/ /'dod 'jo'i rjes 'gror mdzod cig drin can rje/ /skyabs gcig 'khon ston nyi zla'i 'od snang gis/ /'dzam gling gzhi chen khyon la nyer dkrigs te/ /mdzad phrin sku tshe rgyas pa'i dpal yon gyi/ /dge legs phyur por lud pa'i bkra shis shog /'di nyid skyong zhing dges pa'i mtshan ma yis/ /bdag yid 'phrogs so bla ma rdo rje gur/ /nam yang 'bral med thugs rje'i gur khang du/ /rjes 'dzin