[A:706]rin chen 'byung ba'i gter/ /blo chung ded dpon byis pa'i ngang tshul bdag /brgal 'dod 'bras bu gyi nar 'khums na yang / /lhag bsam mthun pa'i rlung dang lhan cig 'grogs/ /de slad yongs rdzogs rin chen ma lon yang / /rmad byung ngo mtshar bsam 'phel dbang gi rgyal/ /mgon po thugs rje'i bdag nyid klu dbang gis/ /sa steng 'dod dgu 'jo ba'i dpal du stsal/ /rgyu des chos kun rten 'brel grub pa'i phyir/ /bka' 'bangs byis blo'i phongs pa nyer sel nas/ /lce dbang don yod bden tshigs gsar ba'i skyes/ /'di ko kun bzang mchod pa'i sprin bzhin 'bul/ /kun dang thun min gsang ba dag snang skor/ /mgon de'i thugs ka'i yang mdzod dmar po las/ /phal cher brjod tshig yig lam ma byon gshis/ /bdag yid smra bsam brjod med ngang du lus/ /drang thig rgyal kun dpang bzhugs dge mtshan las/ /sgro skur rdzun phugs rdib pa'i kun slong bral/ /ya mtshan ngo mtshar che'am chung yang rung / /yin lugs blo chung gang zin de ga yin/ /skyes sbyangs phra rag rngul las ches dman pa/ /bdag blo glang chen smyon pa'i dran dbang gis/ /dam pa'i rtogs brjod smra spobs mi ldan yang / /rgyal ba'i thugs rjes sems med bem po'ang g.yo/ /de phyir gang gi gsang gsum dran pa dang / /skyabs gcig 'khon ston nyi zla'i bka' lung gi /zer phreng snying gi ze'u 'brur 'phos ma thag /legs bshad sbrang rtsi'i bcud 'di zegs par gyur/ /de lta na yang thog med 'khor ba'i 'dam/ /ma spangs skye rga na 'chi'i tshal gnas pas/ /las nyon lang tsho bdo ba'i bzhin ras kyi/ /me tog dgod kyang ltar snang skyon mchis na/ /dus gsum mi dge'i las 'bras do ra nas/ /chas dang lhan cig lhag bsam dge ba'i lag /