[A:340] mkhan chen zhi ba 'tsho dang / slob dpon rin po che padma'i zhal slob yin cing / phyi ma 'khon dkon mchog rgyal po shing khyir 'khrungs nas re dgu chu rtar gshegs pa des/ bzhi bcu chu glang lor dpal ldan sa skya btab/ yab dang / gcen po/ khyin lo/ 'brog mi/ se kun rig /'gos lo/ shes rab gsang ba/ rma lotstsha/ mal lo/ ba ri ba/ kha'u pa sku mched/ 'khon sgyi chu ba/ skyu ra a seng sogs las gsan pa rgya mtsho'i pha mthar son cing / gur zhang mor chu spre'u lo yab nga dgu'i thog sa chen kun dga' snying po 'khrungs nas re bdun sa stag gshegs/ de'i dbu bla ni/ 'jam dbyangs/ sgrol ma/ mi g.yo ba/ birWa pa/ nag po pa/ ga ya dha ra/ nags khrod pa/ ko tra li/ yab dkon mchog rgyal po/ ba ri ba/ brang ti dar ma snying po/ dge bshes khyung / khyung rin chen grags pa/ dpal me dig pa/ mes lhang 'tsher/ kha'u pa/ sgyi chu ba/ mal lo/ spu hrang lo chung / skyu ra a skyabs/ padma shrIH /dznyA na badzra/ bha dra rA hu la/ dge bshes rngog /zhang ston chos 'bar/ dpal sga lo sogs lha mi'i dam pa du ma las/ yongs rdzogs bstan pa rin po che'i mnga' bdag tu bzhugs pa de'i btsun mo dang po tsha rong jo lcam phur mor/ kun dga' 'bar dang gnyis pa tsha rong 'od sgron ma'i sras/ slob dpon rin po che bsod nams rtse mo/ rje btsun rin po che grags pa rgyal mtshan/ dpal chen 'od po ste gsum byon zhing / zhal slob kyang phyag chen thob pa gsum/ bzod pa thob pa bdun/ gzhon nu'i sar gnas gcig /gzhan yang dpal chen sga lo/ byang sems zla ba rgyal mtshan/ dpal phag mo gru pa/ sgom pa rta rgan phag ston/ rgyal tsha tal phug pa/ dbyar ston sbum pa/ gshen rdor seng / gshen dgon dkar ba/ zhang ston gsum thog pa/ zhang ston spe dmar ba/ brag dmar gzhu/ skyur