[A:341]a skyabs/ a seng / ne co sbal ston/ lho brag dkar ston/ mdzangs ston mdza' ne/ bsod nams rdo rje/ gnyag ston dbang rgyal/ rgya sgom tshul khrims grags/ mi nyag ston pa/ khams pa sga theng / 'a 'u ma sogs te shar phyogs rgya mtsho'i mtha' klas pa'i dam pa rnams thugs rje che ldan de yi slob brgyud du grags pa lags/ de sras dpal chen 'od po yab nga dgu lcags rtar 'khrungs shing / nga bzhi chu phag la gshegs pa de'i lcam gar phu nyi khri la 'jam mgon sa skya paNDi chen po dang / bzang tsha bsod nams rgyal mtshan gnyis byon pa las/ phyi ma yab so lnga shing 'brug la 'khrungs shing / nga drug sa phag la gshegs pa de nyid la btsun mo lnga las/ dang po tsha sna kun skyid kyi sras su 'gro ba'i mgon po chos rgyal 'phags pa dang / 'gro mgon phyag na rdo rje gnyis bltams/ phyi ma'i btsun mo mam gal/ chos 'bum/ zha lu mkha' 'gro 'bum gsum las phyi ma'i sras dharma pha la/ de'i lcam dpal stag gnyis kyi phyi mar ratna bha dra bltams/ bzang tsha'i btsun mo gnyis pa chu mdo mar rin chen rgyal mtshan lcam bcas byung / gsum pa gung thang lha gcig mdzes mar bsod 'bum dang nyi 'bum zhes lcam gnyis dang / bzhi pa g.ya' lung hor lcam la'ang sras mo gcig /lnga pa mdzes ma'i nye gnas rdo rje ldan la yab nga lnga sa khyir ye shes 'byung gnas 'khrungs shing / so bdun shing khyir gshegs pa de'i btsun mo khab smad 'bum mer yab nyer lnga chu khyi la/ bdag nyid chen po bzang po dpal bltams shing re gsum shing byir gshegs pa der sman rtse ma dang / lung phud btsun mo drug ste bdun gyi sman rtse'i sras chung ngur gshegs/ lung phud dang po rgyal po'i lcam mu dgan gyi sras su bsod nams bzang po lcam sring gnyis/ bsod nams bzang po'i btsun mo buddha gan gyi sras su ratna bha dra bcas/ lung phud gnyis pa mang