[A:343]nams dpal/ rgyal sras thogs med/ chos dpal bzang sogs bsten nas tshogs chos gsungs pas/ zhal slob kyang shin tu mang ba de'i btsun mo zha lu ma yon tan dpal 'bum gyi sras su nyi ma rgyal mtshan dang / zla ba rgyal mtshan gnyis bltams pa'i phyi ma la bla chen kun dga' rgyal mtshan zhes grags pa de yab so lnga shing sprer 'khrungs nas/ sa khyi don lngar gshegs pa de'i dbu bla ni/ chos rje bla ma/ mnyam med grags rgyal sogs bsten cing zhal slob sa bzang 'phags pa dang / theg chen kun dga' bkra shis sogs so/ /btsun mo zha lu ma nam mkha' rgyal mor yab nga lnga sa stag lor 'jam dbyangs nam mkha' rgyal mtshan 'khrungs shing / don lnga pa chu 'brug lor gshegs pa des yab dang / theg chen rje/ bsod nams rgyal mchog /rdo rje rgyal mtshan sogs dbu blar bsnyen cing / de'i gcung bdag chen zhwa lu ba bsod nams rgyal mtshan lcam mo gnyis dang bcas par sras lcam sring bzhir grags shing / 'jam dbyangs nam mkha' rgyal mtshan gyi btsun mo khro mda' ma dpal 'byung rgyal mor sras mo bzhi dang / sras gnyis kyi che ba rgya gar shes rab rgyal mtshan dang chung ba bdag chen rdo rje 'chang blo gros rgyal mtshan/ bdag chen zhwa lu pa'i btsun mo ldan yul ma kun dga' 'bum la grags pa rgyal mtshan 'khrungs pa ste de rnams ni/ bla brang rin chen sgang pa'i gdung rabs su grags pa'o// // ! de nas lha khang bla brang pa'i gdung rabs ni/ lung phud btsun mo bzhi pa sha zug ma kun dga' nam mkha'i rgyal mtshan zhes bya ba'i sras su dbang kun dga' legs pa'i 'byung gnas dang / kun dga' rgyal mtshan gnyis 'khrungs pa'i phyi ma yab zhe dgu pa lcags khyir 'khrungs nas/ zhe dgu sa khyir gshegs pa de'i btsun mo gnyis