[A:342]mkhar sogs sbe ngang mor/ ti shri kun dga' blo gros byon pa ste spyi la dbang bsgyur gyi gdung rabs sras su grags pa rnams so// // ! de las gyes pa gzhi thog bla brang gi gdung rabs ni/ lung phud gsum pa glang mtshon spe ma nam mkha' rgyal mor/ yab zhe bzhi pa shing sbrul lor mkhas btsun nam mkha' legs pa 'khrungs shing / so dgu chu lug la gshegs pa des/ yab dang mkhas pa nor bzang dpal sogs bsten cing / zhal slob chos rje bla ma dam pa sogs so/ /nam mkha' bshes gnyen dang nam mkha' rgyal mtshan rnam gnyis ni de'i gcung ngo / /mkhas btsun chen po'i btsun mo ngam ring khang gsar ma dge 'dun 'bum la/ yab so lnga sa yos lor kun dga' rin chen 'khrungs shing / re gcig sa yos la gshegs pa de'i dbu bla ni/ chos rje bla ma/ mnyam med grags rgyal/ zhang ston dbang phyug rgyal/ mgon rgyal/ 'jam sngon/ gung ru sogs bsten cing zhal slob kyang mang du byung 'dra/ btsun mo gnyis kyi dang po nyi thog nam par blo gros rgyal mtshan 'khrungs shing / de'i btsun mo sa skya rgyal mo skyid la kun dga' dbang phyug bltams/ btsun mo gnyis pa mnyam med dpon mo ma gcig dge ma la grags pa blo gros/ kun dga' blo gros/ gzhan yang lcam gcig bcas 'khrungs shing / grags blo'i btsun mo brag dkar mar blo gros dbang phyug 'khrungs pa rnams ni/ gzhi thog bla brang ba'i gdung rabs su grags pa'o// // ! de nas bla brang rin chen sgang pa'i gdung rabs ni/ lung phud btsun mo drug pa zha lu gzhon 'bum gyi sras su kun dga' nyi ma/ don yod rgyal mtshan/ bsod nams rgyal mtshan te sku mched gsum las/ don yod rgyal mtshan yab nyer dgu lcags khyir 'khrungs shing / /so lnga shing sprer gshegs pa des yab dang / bsod nams grags pa/ dpal ldan seng ge /grags pa seng ge /spang lotstsha ba/ bsod