[A:349]bltams nas zhe brgyad shing glang la gshegs pa des yab dang / ngag dbang rnam rgyal/ rin chen bsod nams mchog grub/ ka spe ba bstan pa rab rgyas/ mkhan chen lhun grub dpal ldan/ byang bdag bsod nams grags pa/ la ru ba ngag dbang dpal bzang sogs bsnyen nas nyid kyi rigs sras sogs zhal slob kyang mang du bskrun/ mgon de'i btsun mor bdag chen shar pa pad dkar bu 'khrid bzhes par yab bcu dgu me sprer ngag dbang kun dga' bkra shis 'khrungs shing nga drug lcags yos la gshegs pa des 'jam mgon a mes zhabs/ nyid kyi yab rje/ ngag dbang rnam rgyal/ bstan pa rab rgyas/ lhun grub dpal ldan/ bzang po rgyal mtshan/ sangs rgyas phun tshogs/ smin gling lo chen/ dza lung pa/ bco brgyad chen mo sogs las gsan pa rgya mtsho'i mthar son cing rigs sras mchog sogs zhal slob kyang mang du byon/ de'i gcung gzhon nur gshegs/ btsun mo dang po sngon dus rlangs bza' ne chung ma sogs sku gnyen dang / dus phyis si tu byang rgyal sogs bstan dgra'i brgyud sne'u gdong ma bkra shis dbang mor sras mi mnga'/ phyi ma sku zhang rnga sgra'i sras mo mkha' 'gro 'bum nas bzung sa skya pa'i sku zhang rang bzhi tsam mdzad pa'i brgyud pa 'phan yul bco brgyad pa'i sras mo bstan 'dzin bsod nams bzang mor thog mar gdung gnyis bltams kyang bstan gegs kyis chung ngur gshegs/ de nas rje btsun drung / de nas 'jam dbyangs bsod nams rin chen yab lnga bcu shing byar 'khrungs shing so bdun lcags byar gshegs/ des yab rje dang / bstan 'dzin phun tshogs/ lha btsun kun bzang pa bco brgyad mkhyen brtse rab brtan/ stag rtse byams pa lha dbang rig 'dzin/ mchod dpon dkon mchog rgyal po/ sgro lung pa mang thos bsod nams