[A:348] btsun mo gsum gyi dang po shar gling mar sras mo gnyis dang / gnyis pa gdong dga' ma bgres pa bsod nams legs mdzom dkar mo las 'jam dbyangs bsod nams dbang po dang sras mo gsum bcas bltams/ gsum pa gzhon pa bkra shis dpal gyi bu 'khrid las yab zhe bdun chu phag lor sngags 'chang grags pa blo gros zhes bya ba'am mtshan gzhan bsod nams rgyal mtshan 'khrungs shing nga lnga me sbrul la gshegs pa des yab dang gcen/ spyan snga dkon mchog rgya mtsho/ thar rtse paN chen sogs bsnyen nas zhal slob kyang mang du bskrun par mdzad cing / byang bdag lha sras bsod nams rgyal mo khab tu bzhes par sras drug byon pa'i dang po gnyis dang bzhi pa chung ngur gshegs /gsum pa sgar chen mthu stobs dbang phyug /lnga pa sngags 'chang kun dga' dbang rgyal/ drug pa ni sngags 'chang chos kyi rgyal po'i bstan pa rin po che spel bar bsams bzhin byon pa'i ngag dbang kun dga' bsod nams grags pa rgyal mtshan dpal bzang po zhes grags pa de nyid yab so lnga me bya lor bltams nas re gsum sa phag la gshegs pa de'i dbu bla ni/ khu bo sku mched/ rtse gdong khri chen bsod nams lhun grub/ gcen po gnyis/ gcig chog mus pa chen po/ sangs rgyas rgyal mtshan/ thar rtse paN chen/ spyan snga kun dga' don grub/ nags dgon pa sbyin pa grags/ 'bum chen kun dga' dpal/ dbang phyug rab brtan/ ngag dbang chos grags sogs bsnyen cing / zhal slob ni nyi zer rdul ltar bskrun par mdzad/ sku mched gsum la sde srid lhun rtse ma'i nye gnas cha shod mthong smon bu sring ma bkra shis dpal gyi bu bskyed ces bya ba khab tu bzhes par lcam gcig dang gdung gcig phebs pa chung ngur gshegs/ de nas ko cag 'gro mgon 'jigs bral gyi sras mo auDyin skyabs ma bzhes par yab zhe gnyis sa stag la 'jam dbyangs bsod nams dbang phyug