[A:350]chos 'phel/ gong dkar ba blo gros dbang phyug /ngor chen bsod nams bzang po/ thar rtse rdo rje 'chang / thub bstan mkhan chen tshul khrims bzang po/ lha chen mkhan po dbang phyug phun tshogs/ dza lung ba phrin las rdo rje gsang sngags bstan 'phel sogs bsnyen cing zhal slob kyang thar rtse rje/ gnas gsar rje/ brag rtsa rje/ rje rdo rje 'chang sku mched sogs bstan 'dzin mang du bskrun par mdzad/ mgon de'i btsun mo dang po bzhad chos ma'i sras gnyis chung ngur gshegs shing / phyi ma 'gro mgon ma bsod nams dpal gyi dbang mo de nyid ni gong gi 'og tu 'chad rgyu'i cho 'brang phun sum tshogs pa ste/ de yang sngon mkhan slob chos gsum skabs kyi rje 'bangs nyer lnga'i gras/ dkon mchog 'byung gnas thog chen mda' ltar 'phen/ zhes lang 'gro dkon mchog 'byung gnas kyi sku brgyud las 'phel zhing / auDyin gyi slob dpon chen po padma 'byung gnas kyi ring lugs pa mthu stobs dang / nus pa'i bdag nyid can sha dag tu byon pa ko cag sngags pa'am 'gro mgon par grags pa'i sras mo mkha' 'gro'i mtshan can de nyid la/ sras mo bzhi dang gdung brgyud gsum ste bdun byon pa las/ drug pa'i btsun mor sger pa bkra shis dbyangs can las da lta'i rje btsun drung 'di nyid dang / gsum pa ni/ rigs dang dkyil 'khor thams cad kyi bdag po/ 'jig rten gsum gyi ma rig pa'i mun pa 'phrog pa'i phan bde'i sgron me/ yongs rdzogs bstan pa rin po che'i mnga' bdag tu gyur pa snyigs ma'i dus kyi rgyal ba gnyis pa/ mkhas grub rgyu skar gyi dbyings na mtshan dpe'i snang ba 'phro ba'i bsil sbyin mkhan po/ mkhas dang bstan pa'i bgyi bar gzhan dring mi 'jog pa'i spobs pa gzengs mtho ba/ mdor na 'brel tshad don ldan gyi bdag nyid du