[A:359]gang ba zhig gi bum dkyil na 'jam dbyangs dmar ser shin tu 'od zer 'phro ba zhig gzigs pa'i mod bud med cig nas sgrol ma la gsol ba btab na 'di yod zer ba bzhin du sgrol ma 'bum ther stsal ba dang / sgrol ma lha khang dang dbu rtser sgrol 'don dang tshe chog 'dzugs gnang skabs tshe gtor gyi dkyil du ljang pa mtho gang tsam skyes shing / mchod me yang nyin zhag du ma thub pa sogs ngo mtshar bsam gyis mi khyab pa dang / sgrub chen jo mo ba rnams la tshes bcu brgya tshar gnang bas bstan 'dzin klong yangs zer ba'i mnal ltas su/ bud med mang po zhig gis dngul gyi mchod rten 'od zer shin tu che ba zhig 'ja' sprin gyi dkyil du khyer song ba gang du phyin 'gro snyam pa'i mur btsun mo'i thog khar babs pa rmis pa dang / gzhan yang btsun mo'i rtsa bar khyi rnams kyi phrug gu skye tshang 'cha' ba dang / byi bla 'khyams po zhig gi phrug tu sgam khri'i 'og tu skyes pa gnyis nag po gcig /dkar po stag ris can du byung ba dang / bu rdzi ma'i rten rdzas ma mo nag mo zhig smon bder mchis par pho lug dkar po skyi dkar can sogs btsas pa dang / rdzong skor ba'i bus pa rnams btsun mo'i gdong du nyin re bzhin tshogs te gzhas byed pa sogs nang gi ngo mtshar phyi rol du gsal ba'i rten 'brel phun sum tshogs pa ma bcos lhun grub tu byung ba dang / sa bya nag zla sngon ma'i tshes bcu mchod pa mdzad dus tshogs chang lud/ dpal gtor dngos grub tshul du de skor nas myangs bas bu ram gyi ro 'dra ba byung gsungs pa ni de dus ma zad phyis su'ang rgyal yum de nyid nas tshes bcu gnang ba'i gtor ma kha shas la ro de bzhin dang / tshogs chang lud pa lan cig tsam byung zhes rje rdo rje 'chang nyid kyis bka' stsal zhing / de'i nam phyed tsam nas 'khrungs ran grabs kyi mnal ltas su/ mi pho mo sna tshogs gzabs 'chor gyis sa skya'i phyi skor la 'gro zhing badzra gu ru/ rigs gsum mgon po'i gzungs rnams gdangs dang bcas byed mur rgyal yum nyid gzim yod snyam pa las padma chos dpal gyis phyag nas