[A:360]'then te yar bzhengs bcug nas da lam gyi bu chung 'di la bzang po mchog tu thogs shig zer ba 'khrungs pa sogs te/ stod 'grel skad du zhi bar 'bod cing / drug cu'i lo khams dang sbyar ba'i sa mo bya lo/ skar rtsis dpyid 'bring gi zla ba'am lugs gcig na dpyid thar 'dod pa/ hor lugs mA yol du 'bod cing / rgyu skar nag pas nya ba/ ston pas dus 'khor shrI dhA nya ka Ta kar gsungs pa'i dus chen gyi zla ba nyis brtsegs kyi dang po'i tshes bcu gcig /dga' ba gsum pa/ dbyangs ha yig /khams nam mkha'/ 'dod yon sgra/ na tshod byis pa/ gsal byed nThAM/ nyi ma byi ba/ rten 'brel reg pa spar kha dwa/ sme ba lnga ser/ res gza' nyi bu/ res skar skag ste gza' skar khams 'phrad lang tsho sbyor ba/ 'phrod chen yid dang ldan pa'i nyi shar tatkAl e Da ka'i dus su nam mkha' 'ja' 'od kyis gang ste btsun mor zug pa dang / me tog gi char nyil ba sogs bkra shis pa'i dge mtshan dpag tu med pa dang ldan pa'i ngang nas yum la gnod pa med par gzugs sku'i dkyil 'khor bde ba nyid du bltam par gyur to/ /de dag gi don bsdu na/ sngon tshe skabs gsum 'chi med bkangs nas/ /tshe dus lta nyon sems can lnga bdo'i mgon/ /mche ba drug ldan thal dkar gnyis 'thung ni/ /rnam lnga'i gzigs pas sgyu 'phrul lhums zhugs su/ /dge mtshan don kun 'grub pa'i ltas mtshar po/ /snang srid khyon la rdzogs pa'i go skabs bral/ /de lta'i rmad byung dpal la co 'dri ba'i/ /ngo mtshar khong nas 'dzum pa'i ku su maH /dbus 'gyur 'chang nas brgya phrag dpag tshad kyis/ /bskal pa'i rnam snang pho brang gnyis pa'i ljongs/ /dbyig 'dzin dga' tshal skyed byed ma ma'i ltor/ /'phos 'phral ya mtshan gsar ba'i phyi nang gi /rten cing 'brel 'byung ra yig gnyis pa'i glu/ /ltar snang gcam bu'i 'gyur khugs dang bral nas/ /yang dag don gyi gtam snyan kha lo ba/ /gnas skabs de las gzhan du ma 'gyur