[A:368]gtan nas mi mdzad pas thugs sgam zhing des pa'i sgo dang po'ang 'di tsam nas dod cing / lo der mdzod 'dzin bsod nams shin tu bro 'tshal bas nyin gcig rje rdo rje 'dzin chen po nyid gdan 'dren gyis phyag dbang skabs rje nyid la hor shel gyi phreng ba sogs phul/ mi ring bar mdzod pa de dus las yol bar gang gi yab rje nyid thugs ngal che tshul gyi skabs rje nyid kyis thugs gso zhabs brtan gsol 'debs sogs zhu gnang dang khong 'das dus phur bzlog glo bur ba de'i gdab las nyi ma bzhud la khad byung ba'i ling ga'i g.yas ngos su 'ug pa kho skya log ge yod pa dang / gdab kha dngos dpal 'bar gyi 'od la mdzad pa sogs thugs dran gsal por 'khrungs pa dang / yab rjes stsal ba'i rakSha'i phyag phreng der shin tu gtsigs chen gyis de la kI la ya/ hrIHShtI/ pakShiM rnams rang byung du bzla bar mdzad pa dang / gzhan yang gzigs snang la dpal mgon zhal dang pu tra lcam sring dur khrod bdag po bsam yas chos skyong a tsa ra mi nag sogs 'dug gsungs pa lan cig min pa yang yang rgyal yum mchog la bka' stsal zhing / gtsug lag khang 'ga' zhig gi ming nas smos te 'di na 'di yod gsung pa'i bka' yang yang yum mchog la stsal ba dang / de mtshams shig nas gzim shar bde chen 'od gsal du phebs/ gzhi dgon bum 'dzin byams pa rab brtan bzang po sngar nas yang yang 'byon mu des bzhugs g.yab shar du rnam 'joms/ seng gdong sngon mo/ gur/ khro bcu'i rjes gnang sogs gnang / bla ma de rwa lo'i rnam sprul nyams rtogs can yin gsungs kyang rje rdo rje 'chang nyid kyi de dus gzigs snang la/ rje grol mchog gi dbu bla rgya sgom legs pa rgyal mtshan gyi sku 'dra bzhin gzigs shing / khong dpon g.yog gis/ gang la ser sna ma gdangs ma brjid che ba zhig mdzad pas de la rje nyid thugs shin tu 'dzin pa zhig 'khrungs/ de dag gis