[A:369]kyang rje nyid la 'di nga'i bla ma yin zhes thugs mnyes po dpe bral du mdzad/ skabs shig 'od gsal du gzim shar dpe khri'i logs la spre'u chen po mi tshad tsam zhig gar byed pa dang / yang lan cig mi gnyis gri ring khyer nas rje nyid la mtho 'tshams bgyid tshul 'khrungs pa 'di dag kyang mdo las/ rin chen chos kyang dkon la rtag tu 'tshe ba'ang mang / /zhes gsungs pa ltar bar chad kyi ngo zhig yin na'ang yab rje sogs dam pa gong ma'i thugs rje dang rje nyid kyi thugs bskyed kyis nyer 'tshe mi mngon dbyings su yal/ de tsam la yum mchog bstan 'dzin bsod nams bzang mo de gra pa bgres po 'dra ba zhig res 'ga' rtser bzhugs nyir byon te rje nyid la thugs lhag par brtse nyams mdzad pa rnams thugs kyi dpal be'ur yang dag par mnga' ba lags// // ! dgung grangs lnga pa chu glang lo tsam la 'od gsal gyi ngang duu sa skya ma btab gong gi lung pa 'di'i dbyibs rnams gzigs nas/ 'dir ma 'ongs pa na dpal ldan sa skya zhes pa'i dgon chen zhig yong rgyu yin dgongs pa thugs la 'khrungs pa dang / slob dpon 'phags pa klu sgrub kyis sems can zhig dmyal ba nas bton pa dang / sa chen/ rtse mo/ chos rje khu dbon te bzhi lhan cig tu gzigs pa dang / rje btsun rin po che mnyam bzhag gi phyag rgya can la mchod pa'i lha mos mchod pa 'bul ba sogs lan gnyis gsum mi 'dra bar 'khrungs pa ste klu sgrub dang rje btsun gong ma lnga'i zhal de dus ka gzigs shing de lo chos khri thang mo cher gser zangs kyi rgya phibs gnang ngo // // ! dgung grangs drug pa shing stag gi ston rje btsun a Ni drung gis mgon po'i sku mtshams grol ba'i sbyin sreg tshoms dmar du gnang skabs drag yol 'gang dkar ma bkram pa gzigs pas/ 'di 'dra'i yol ba'i rnam dpyod ang dgongs pa 'khrungs byung gsung ba ni phyis su'ang drag yol der gtsigs chen mdzad skabs thos lags/ de lo thugs la dgyes pa'i sngar gyi bu rdzi