[A:372]kyi rgyal pos mdzad pa'i brag rdzong ma mchan bu bcas thugs la zin nas zhal 'don chag med kyis nyin ltar yi ge bdun ma sogs stong phrag re dang / sngags 'chang dang a mes zhabs kyi sku bstod shlo ka re brgya tshar chag med 'don par mdzad/ de nas yab rje mchog sku 'khor rags bsdus bcas gzhis rtser rgyal ba yab sras mi'i dbang po bcas zhal rgyas thog mjal phyag bka' drin che ba nas/ smin drug zla nang gdan sar phebs skabs kyi bca' sgrig rnams sngar srol bzhin mdzad de/ rje rdo rje 'chang nyid a lce drung thung bcas nas bla brang zam sner phebs bsu/ mjal dar bstar ba/ byin rlabs zhu ba sogs mdzad nas rim gyis gzim chung du dga' spro'i dpal la longs spyod par gnang / mi ring bar kun rdzob ltar snang du beg ge'i snyun lci ba 'dogs bcas bzhes gnang skabs yab rje mchog nas bka' dbang rjes gnang byabs khrus ljags chu sku glud rdzong chog sogs mdzad pas gegs med snyun las grol ba'i tshul bzhes so// // ! dgung grangs dgur phebs pa me sbrul lor rje nyid kyis/ /dpal sa skya pa'i yab chos gras khro bo'i rgyal po phyag na rdo rje 'byung po 'dul byed kyi ljags bsnyen zla gcig dbang khang smin grol bde chen du grangs bsnyen mthar phyin mdzad skabs lho phyogs nas 'di yin med pa'i sgra phir mang po zhig dang / 'od 'khyug 'khyug byung bas ci yin dgongs rab gsal der gzigs pas sprin nag gi khrod na gur lha brgyad yongs rdzogs bya nag thams cad kyi kha na sgog nyag re re thogs pa zhig 'khrungs/ gzhan yang rje btsun rin po che gzigs snang byung ba'i tshul 'bum thang ldebs bris la gsal ba bzhin dang / de lo skyabs mgon mthu stobs dbang phyug nyid phun gling du thog mar phebs skabs drung 'khor gyis gzhas sogs bsu ba dang / skabs shig thar rtse rdo rje 'chang nam mkha' bsam grub nas yab yum sku mched bcas la tshe dbang zhig