[A:371]'grel man ngag dang bcas pa'i bdag por 'gyur ba'i 'bad med lhun grub kyi rten 'brel du gdon mi za bas rje rdo rje 'chang nyid kyang 'di la de dus ka rten 'brel dge ba zhig yin nam dgongs pa 'khrungs pa don gnas su shes ldan gzur gnas kun gyis mkhyen gsal ltar lags/ zhag shas nas gnas slob bzod pa bkra shis kyis/ sku zhabs rin po cher thugs brel gyi stabs gdung brgyud rin po cher sku yon kho bos zhabs 'gyur zhus na gsung ba bzhin la de bzhin gyi zhal bzhes stsal bas bzhugs g.yab shar du sger mchod gnang ste/ rten khri der brten bcas sgros ldan chung ngu dang / rig 'dzin bla brgyud sman thang ba'i phyag bris ma 'grems par mdzad de snga dro thugs gnyer phur sgrub sogs khyug tsam gyis bde blag tu khong du chud/ de nas yab rje mchog gis sgrub thabs brgya rtsa'i rjes gnang re dang / sa skya bka' 'bum ljags lung thun re/ phyi dro skyor sbyangs phran bu re mdzad/ 'di tsam zhig la re zhig rje rdo rje 'chang nyid a lce drung zung bcas gnas bcur bzhugs skabs shig rje nyid kyi rdzu 'phrul gyis spos kyi red bu zhig zhal bar btsugs steng sku lus kyi lcid reng bur bkal te bzhugs pas sku mched zung ha las par gyur ba'i tshe ci yang ma gsungs shig bka' stsal/ ces a Ni drung 'di'i gsung las yang yang thos so// // ! dgung grangs brgyad du phebs pa me 'brug lor phur sgrub kyi thugs 'dzin rnams sngon du song nas thog mar phebs shag mdzad kyang / yab rje mchog nas phur sgrub chugs nyer sgo rum du brtag sgril mdzad pas ma 'thon pa ni/ de lo lha chen khyam stod ag glen nam ang lan ka brgyad kyi ya gyal gsum nyen gcong dogs gnas gang yang med bzhin du hor zla bdun pa'i tshes bcu gsum nyin glo bur rdib gzhom byung bas/ thog ma'i la nyer de ltar mi rung ba 'phur shes ma hA kA las dgongs te ma gnang bar 'khums so/ /de tsam nas bzung sngags 'chang chos