[A:380]shing nyi 'od gsal ba 'ja' dang 'od kyi gur khang 'khyil ba/ dkar phyogs lha rnams me tog gi char snyil zhing der 'dus kyi skye dgu mtha' dag dga' mgu yi rang gi dad pa'i thal sbyar dang chabs gcig gnas tshul de ltar 'byung 'gyur gyi smon lam 'debs pa dang skyabs mgon rdo rje 'chang yab sras rnam gsum gyi ngo mtshar mdzad pa'i gleng mo sgrogs pa la gcig tu gzhol bar gyur cing / de'i sang nyin gegs med don ldan gyi dga' ston chen mo'i thog rje rdo rje 'dzin nyid la yab sras zung gis mtshon gzhis byes ser skya drag zhan rnams nas legs so'i sgo brgya rnam par dbye ba'i skabs so/ /de dag gi don bsdu na/ gnam bskos lha yi rang 'dra'i rigs bdag khrir/ /rgyal tshab mchog tu mnga' gsol nyi zla zung / /mthon por 'gyur med shis pa'i me tog char/ /snyil la phyogs bcu'i rgyal dang rgyal sras kyang / /de tshe gdul bya'i blo gros 'dab brgya pa/ /yongs su 'byed pa'i dam chos tsha zer ni/ /'jig rten kun gsal bcu gnyis bdag po yis/ /rnam grol sbrang rtsi'i bcud du 'dzum par bskyangs/ /phyi nang rten 'byung skyes kyi bdog pa'i dngos/ /mi zad nam mkha' mdzod kyi spun zla ru/ /lhun grub phrin las phyogs kyi bu mo'i rnar/ /grags pa'i gdugs dkar dkar phyogs lha yis bzung / /zhes kyang smras so// // ! gnyis pa bstan 'gro'i phan bde spel tshul rnams lo khams dang sbyar te bshad pa la/ thos rtsom gnyis rtogs sla ba'i phyir so sor phyogs bsdoms su bshad pa dang / bsam sgom 'chad rtsod kyis mtshon lugs brgya'i mdzad phrin kun gsal gyi tha gru ltar yangs shing rgya che ba'i nang nas bka' 'bangs kyi tha shal mu to ba bdag gis cha shas tsam zhig rnyed pa rnams go rim bzhin lo khams so so'i nang du ji mdzad ma 'khrul bar ston pa dang gnyis las/ dang po la/ thos pa mdzad pa'i tshul dang / rtsom pa