[A:379]byes nas dngos 'bul rmugs 'dzin dbang po'i gan mdzod zhal dbye bar co 'dri ba dang / dge 'dun pa skye bo'i tshogs dang bcas pa la mang ja gdan non sbyin 'gyed stob pa sogs dang / gdan sa chen po'i rten khyad mtshar rnams la mchod pa snyan shal spyan gzigs/ gzhan yang zur 'bul gyi rnam gzhag dgos pa rnams la'ang de bzhin bcas mdzad cing / brgya dpon nas mol gtam phul grub rjes yab rje chos kyi rgyal pos/ gang gi rigs sras dam pa sku mched zung khams gsum chos kyi rgyal por mnga' gsol ba'i legs tshogs kyis mtshon bdag gzhan gyis dus gsum du bsags pa'i dge ba'i rtsa ba rnams chab mi 'tshal ba'i phyir/ yon tan rin po che sdud pa las/ ci ste mtshan ma med na de ni bsngo ba yin/ /zhes gsungs pa ltar/ 'khor gsum yongs su dag pa'i gsung bsngo'i rgyas btab rjes yab rje nyid rje rdo rje 'chang sku mched kyi sku mdun du zhal byang gzigs kyis bzhengs nas 'jam mgon sku mched la/ rgyal srid rin po che sna bdun bkra shis pa'i rdzas brgyad sogs kyis mnga' dbul smin rgyas dpon slob lhan rgyas nas gnang ba'i shis brjod/ rgyal mtshan rtse mo nas rgyal ba'i sku gsung thugs kyi bkra shis shog gi bar ban tshang dbu byed che bas jeng drangs/ tshogs pa byings bcas nas 'brug stong dus gcig la ldir ba lta bu'i gsung gdangs kyis mtha' brgyan par mdzad de/ 'jam mgon sku mched gang gi rgyal tshab tu mnga' gsol legs byas kyi rten 'brel dge bas mtshon 'dzam gling na sgrun zla dang bral bar mkhas grub gzur gnas du mas bsngags pa'i rje btsun sa skya pa'i gdung rabs rin po che srid mtha'i bar du byon nas gser khri rin po cher mnga' gsol gyi rten 'brel 'bad med lhun gyis grub pa'i dge mtshan srid na gsal ba ni nam mkha'i khams shin tu dwangs