[A:384]po de nyid ni bskal pa dpag tu med pa'i snga rol du bcu gsum rdo rje 'dzin pa'i go 'phang la mnga' gsol du zin na'ang / gang gi ba tshwa can chu klung gi mdo lung sogs kyi don bzhin/ dus 'dir/ 'gro ba ma lus pa srid pa'i gcong rong las sgrol ba'i ded dpon chen po'i tshul bzung nas/ mdo rgyud man ngag dang bcas pa'i zab rgyas kyi bdud rtsi'i 'byung khungs yongs 'dzin dam pa bsnyen tshul ni 'di lta ste/ rje rdo rje 'chang nyid kyi zhal sgo las byon pa'i rje btsun sa skya pa'i gdung rabs gdan rabs bcas kyi lo rgyus ngo mtshar srid na 'gran bral zhes bya ba las/ yab rje rdo rje 'chang dang thar rtse rje/ /gnas gsar rje dang brag rtsa rje btsun drung / /gzhi dgon rab brtan bzang dang rta nag mkhan/ /tshul khrims bzang dang ngor chen bsod nams bzang / /sangs rgyas ye shes dpal ldan chos skyong zhabs/ /gong dkar bsod nams blo gros rnam mkhyen grong / /chos dbang rgya mtsho chu ri bkra shis don/ /kun dga' chos 'phel rin chen bzang po ste/ /gong dkar rnam lnga rin chen mi 'gyur zhabs/ /'gro mgon thub dbang de sras rig 'dzin mtshan/ /mkhan chen dbang phun mkhan chen kun dga' zla/ /seng ge rgyal mtshan sha ri mnga' bdag che/ /rgyal dbang skal bzang rje dang mchog sprul zhabs/ /dpal ldan no min han dang 'on rgyal sras/ /lo nas sems dpa' chen po smin grol gling / /khri chen rin chen rnam rgyal sras mchog bcas/ /'bri gung rje dang bsam sdings yang zab rje/ /kun dga' sangs rgyas zhal lu ye shes grags/ /dngos grub sdings dang kun dga' don gsal sogs/ /gus pas bsten nas ris med chos rgyun zhus/ /nyams len med kyang dbang lung man ngag 'khrid/ /gzhon dus brtson khul slob ma bstan phan dang / /btang snyoms dam nyams gsog pa grangs med yod/ /ces gsungs pa ltar bla ma dam pa de rnams las zab pa dang