[A:385]rgya che ba'i chos tshul mtha' yas pa zhig bzhes te/ dus phyis gsan pa rgya mtsho'i mthar son pa'i dpe gcig pur 'os par mdzad pa'i tshul rnams ni ha cang mang ches pas 'dir ma spros pas rje rdo rje 'chang chen po de nyid kyi gsan yig rin po che pod chen gnyis kyi steng nas shes par bya ba'i dbang du zhus nas/ gnyis pa rtsom pa mdzad pa'i tshul ni/ ji skad du/ chos rnams thams cad bka' dang bstan bcos gnyis su 'dus/ /legs par gsungs dang de yi dgongs 'grel te/ /de yis dbang gis shAkya'i bstan pa 'di/ /'jig rten khams 'dir yun ring gnas par 'gyur/ /zhes dang / rgyud bla mar/ gang zhig rgyal ba'i bstan pa 'ba' zhig gi /dbang byas rnam g.yeng med yid can gyis bshad/ /thar pa thob pa'i lam dang rjes mthun pa/ /de yang drang srong bka' bzhin spyi bos blang / /zhes gsungs pa ltar gyi brjod don dang ldan zhing / dpyad gsum rnam par dag pa'i bstan bcos tshar du dngar ba rnams kyi nang nas rags pa tsam zhig brjod na 'di lta ste/ gsol 'debs brgyud bdebs dngos dang zhal skong skor/ 1) gdung rabs la sogs rnam thar bsgrigs rtsom skor/ 2) sgrub dkyil bsgrigs chags bsnyen thabs sbyin sreg skor/ 3) dkar chag bca' yig debs dang dpyad khra'i skor/ 4) bskang mdos phrin bcol gtor bzlog ru mtshon skor/ 5) dril lan sogs sna tshogs pa'i skor/ 6) dang drug las dang po ni/ yab rje rdo rje 'chang la gsol 'debs yon tan rin chen 'byung gnas sogs tsho bzhi/ rje btsun kun dga' bstan pa'i nyi mar gcig /sa skya pa'i gdung rabs gsol 'debs don gnyis lhun grub pa ma bsam pa lhun grub zhal skong / dus mchod bla brang gdung rabs gsol 'debs/ rin sgang gdung rabs gtso bsdus gsol 'debs/ kun dga' don gsal gyi ngor mdzad gdung rabs