[A:༥༢]ནས་ཚར་གསུམ་ཁུག་པའི་བྱིན་རླབས། ངག་ཆོས་ཀྱི་ཡིག་སྟེང་ནས་ལམ་ཟབ་ཐུན་མོང་བ་དང༌། ཐུན་མོང་མ་ཡིན་པའི་བྱིན་རླབས་དམིགས་ཁྲིད་དང་འབྲེལ་བ། མཁྱེན་བརྩེའི་ཡིག་སྟེང་ནས་བླ་མ་རིན་འབྱུང་གི་བྱིན་རླབས། ངོར་ཆེན་རྡོ་རྗེ་འཆང་དང་ངག་ཆོས་པའི་ཡིག་སྟེང་ནས་བིར་སྲུང་ཐུན་མོང་བ་དང༌། ཐུན་མོང་མ་ཡིན་པའི་བྱིན་རླབས་སྒོམ་ལུང་དང་བཅས་པ། ཞར་བྱུང་བིར་སྲུང་གསར་མའི་དམིགས་ཁྲིད་དང་བཅས་པ། མཁྱེན་བརྩེའི་ཡིག་སྟེང་ནས་བརྡ་དོན་གསལ་བའི་བྱིན་རླབས། ངག་ཆོས་ཀྱི་ཡིག་སྟེང་ནས་ལམ་སྦས་བཤད་ཀྱི་བྱིན་རླབས། ནུབ་པ་རིག་འཛིན་གྲགས་དང༌། ཀུན་མཁྱེན་གྱི་ཡིག་ཆའི་སྟེང་ནས་རྣམ་འཇོམས་བིར་ལུགས་ཀྱི་བྱིན་རླབས། རྗེ་རང་གི་ཡིག་ཆའི་སྟེང་ནས་རྟེན་འབྲེལ་སྙིང་པོའི་སྲུང་བའི་བྱིན་རླབས། མཁྱེན་བརྩེའི་ཡིག་ཆའི་སྟེང་ནས་དབང་བཞིའི་བརྡ་ཆིག་བརྒྱུད་དུ་སྩལ་བའི་བྱིན་རླབས་གདམས་ངག་རྣམས་རྫོགས་པའི་ཚེ་མཁྱེན་བརྩེའི་ཡིག་སྟེང་ནས་སྒྲུབ་པ་ལུང་སྦྱིན་གྱི་བྱིན་རླབས་དང༌། གསང་བ་བཅུའི་རྒྱས་འདེབས་པ། མཐར་བསྟན་པ་གཏད་པའི་ཚུལ་དུ་ཀུན་མཁྱེན་གྱི་ཡིག་ཆའི་སྟེང་ནས་ག་ཡ་དྷ་རའི་ལུགས་ཀྱི་མགོན་རྐྱང་རྗེས་གནང་རྣམས་ལེགས་པར་གསན་ནོ། །དེ་རྣམས་ཀྱི་རྒྱབ་རྟེན་དུ་ལུང་དང་བསྟན་བཅོས་ཚད་མར་བྱ་བའི་ཕྱིར་གོང་ཚོགས་བཤད་ཀྱི་སྐབས་སུ་བཤད་པའི་ལམ་འབྲས་པོད་དམར་སེར་རྣམས་ཀྱི་ལུང་དང༌། གཞན་ཡང་སྔ་ཕྱིར་གསན་པའི་ལུང་གི་སྐོར་ལ། སློབ་དཔོན་རིན་པོ་ཆེ་བསོད་ནམས་རྩེ་མོས་མཛད་པའི་མངོན་རྟོགས་ཡན་ལག་བཞི་པ། དབང་གི་ཆུ་བོ་ཆེན་མོ། །ཞི་བའི་སྦྱིན་སྲེག །རབ་གནས་བཟང་པོ་དྲུག་པ་རྣམས་དང༌། རྗེ་བཙུན་གྱིས་མཛད་པའི་མངོན་རྟོགས་ཡན་ལག་དྲུག་པ། བདག་མེད་མའི་སྒྲུབ་ཐབས། ཚོགས་འཁོར་འབྲིང་པོ། ལས་བཞིའི་སྦྱིན་