[A:104]'bras re tsam zhus na legs tshul zer yang / rje 'di'i zhal nas/ spyir 'jig rten gyi khams su dge legs rgya chen po 'byung ba dang / khyad par chos rgyal mchog gi gtsos ljongs 'dir 'khod pa'i skye 'gro kun la bde skyid rgya chen po 'byung ba'i bsam sbyor dang rtag tu ma bral ba dgos par 'dug /de min rang re grwa rkyang gi kha zas khong rgyal po chen pos gsol nyan med gsungs nas gsol ja zhu ba tsam yang mi mdzad cing / dus rgyun du'ang las byed pa rnams la sbyin bdag gi dad rdzas 'di rnams chud zos su ma song bar dgos pa'i zhal ta re tsam gnang ba las/ gting nas phyag rdzas la 'dzin pa med pa'i stobs kyis gzigs rtog sogs ni mdzad ma grub par snang / phyag mdzod rten bzang pa yon tan rgya mtsho'ang phran bu'i tshags zhan pa lta bus/ 'bul ba byung tshod tsam zhig gi 'byor stobs ni med par mngon/ gang ltar yang phyag tu byung ba'i dngos po thams cad yul mchog tu gyur pa bla ma dang mchog gi drung du mchod 'bul dang / bstan pa dang sems can gyi ched du gtong ba la phangs pa cung zad kyang med pa'i khar thugs dgyes tshor chen po mdzad cing / de'i stobs kyis snga phyir sku gsung thugs kyi rten bzhengs pa la/ dngul srang lnga bcu las grub pa'i 'jam dbyangs dkar po'i sku dang / gser zangs las grub pa'i byang sems nye ba'i sras brgyad la sogs pa'i gser sku du ma dang / sman 'dam las grub pa'i sku kha shas/ gsung rten du glegs bam bris ma pod bco lnga tsam dang / spar ma spus shin tu dag pa pusta ka bdun cu skor dang / thugs kyi rten du khang bu brtsegs pa'i mchod rten sogs bzhengs te/ rab tu gnas pa'i cho ga rnam par dag pa'i sgo nas byin rlabs kyi dpal 'bar bar mdzad pa dang / dus rgyun du'ang phan gling bla brang du dge bshes bzang gras skor gyis bla ma