[A:105]mchod pa dang / yi dam gyi lha mang po'i sgrub mchod dang / rgyal ba'i bka' 'gyur rin po che gsung sgrogs dang / chos srung rnams la skong phrin sogs nar mar mdzad pa dang / lhun grub steng rang du'ang sngon mkhan chen dpal ldan chos skyong gi sku dus nas bzung ste srol dod pa lta bu'i hor zla bcu gnyis pa'i gnam gang nyin/ drug 'du'i dbu bzhugs su yin gyi gtsos 'dus tshogs spyir tshe chog dang / mgon khang khag rnams su skong ba/ chos sgrogs pa mang pos gsung rab bklag pa/ der 'dus pa'i rnying ma'i bla ma dge slong sngags pa bcas la yon 'bul dang rnam gzhag sogs gang zab re gtod ba'i rgyun mchis pa rnams kyang ma chag par yar ldan du mdzad cing / der ma zad skabs skabs su lhun grub steng dang / nye skor gyi dgon khag rnams su mang 'gyed sogs stsal ba dang / khyad par rje 'di khams su phebs nas lo bzhi song ba'i mtshams sa rta lor rang dang gzhan gyi rgyud la bsod nams dang ye shes kyi tshogs yongs su rdzogs pa'i phyir du phyag rdzas ji yod thams cad bskur te/ gtso cher sa ngor gyi bla ma rnams su 'bul ba dang / dgon par mang 'gyed gang zab/ gzhan ris su med pa'i dgon khag yongs la bsnyen bkur stob pa'i ched du/ mdzod pa yon tan rgya mtsho dpon 'khor rnams brdzong brda' gnang ba bzhin/ phyag mdzod pas kyang rwa sgreng nas bzung ste dpal ldan sa skya'i bar gyi ris su med pa'i bla ma so sor 'bul ba/ rten gsum yongs la mchod 'bul/ dgon sde rnams su mang 'gyed sogs dpyis phyin par bsgrubs te bar chad med par sku drung du 'byor/ sa rta lo der lha sras rin po che tshe dbang rdo rje rig 'dzin pa'ang mdo smad skye dgu yongs kyi bdag po chen por chos rgyal gong ma rim