[A:116]nas brtson 'grus kyi pha rol tu phyin pa'i stobs kyis bsnyun zug dang / grang ngar ji tsam che'ang zhal 'don dang / thugs dam gyi rigs rnams la sngar las kyang brtson par mdzad pas rim gyis bsnyun gzhi las grol ba dang / khu 'phangs kyi rgyun yang chad par gyur pa na chibs kyi kha lo bsgyur/ mdzod pa yon tan rgya mtsho pa'ang rlung 'bam lta bu'i nad kyis mnar te mthar dus kyi chos nyid du gyur/ de'i tshab tu 'ba' dbon kun dga' ye shes pa bskos te rim gyis byon/ de nas sde dge chos rgyal mchog gi snga phyir chibs bsu'i tshogs rgya che ba dang / dgon pa'i ser phreng gi tshogs bsam gyis mi khyab pa dang bcas te sa sbrul hor zla dang po'i tshes brgyad nyin dpal ldan lhun grub steng gi chos grwa chen por phebs so/ /de nas chos rgyal chen po 'khor dang bcas pa rnams nas dbu thon la sogs pa'i legs 'bul rgya che ba dang / phar yang la rong sogs gang dgos rnams stsal/ khyad par chos rgyal chen po tshe dbang rdo rje rig 'dzin pas gsung ngag rin po che la sogs pa'i chos kyi 'khor lo bskor bar gsol ba btab pa bzhin zhal gyis bzhes te/ zang zing med pa'i byams pa dang / 'khor ba las sgrol 'dod kyi snying rje chen po'i lde mig gis/ zab pa dang rgya che ba'i chos kyi sgo 'phar yangs por phyes te/ shin tu zab pa gsung ngag rin po che slob bshad kyi smin grol cha lag yongs su rdzogs pa dang / dpal sa skya pa'i gser chos rnams dang / chos skyong che chung la sogs pa'i dbang / rjes gnang khrid lung la sogs pa dang / gzhan yang sgrub thabs brgya rgyam dang / sbyong dkyil bcu gnyis sogs mdor na rje rang gis gsan pa'i chos phal che ba stsal te/ /dgung lo zhe bdun pa'i bar gtso bor dngul mda' dgon chen rang du bzhugs/ 'on kyang go 'jo'i phyogs su lan